മ്യൂണിക്ക്: ജര്‍മന്‍ ബുണ്ടസ് ലീഗ 2019-20 സീസണിലെ ഉദ്ഘാടന പോരാട്ടത്തില്‍ നിലവിലെ ചാമ്പ്യന്‍മാരായ ബയേണ്‍ മ്യൂണിക്ക് സമനില പിടിച്ച് രക്ഷപ്പെട്ടു. സ്വന്തം തട്ടകമായ അലയന്‍സ് അരീനയില്‍ ബയേണ്‍ മ്യൂണിക്ക് 2-2ന് ഹെര്‍ത്ത ബെര്‍ലിനുമായി സമനിലയില്‍ പിരിയുകയായിരുന്നു. ഒരു ഗോളിന് മുന്നില്‍ നിന്ന ശേഷം രണ്ട് ഗോള്‍ വഴങ്ങി തോല്‍വി മുന്നില്‍ കണ്ട ശേഷമായിരുന്നു ബയേണിന്റെ സമനില.
സൂപ്പര്‍ താരം റോബര്‍ട്ട് ലെവന്‍ഡോസ്‌കി ബയേണിനായി ഇരട്ട ഗോളുകള്‍ നേടി. കളിയുടെ 24ാം മിനുട്ടില്‍ ലെവന്‍ഡോസ്‌കിയിലൂടെ ബയേണ്‍ ലീഡ് സ്വന്തമാക്കി. എന്നാല്‍ രണ്ട് മിനുട്ടിനിടെ രണ്ട് ഗോളുകള്‍ വലയിലെത്തിച്ച് ഹെര്‍ത്ത ബാവേറിയന്‍സിനെ ഞെട്ടിച്ചു. 36ാം മിനുട്ടില്‍ ഡോഡി ലുകെബാകിയോയും 38ാം മിനുട്ടില്‍ മാര്‍കോ ഗ്രുജികുമാണ് ഹെര്‍ത്തയ്ക്കായി ഗോളുകള്‍ നേടിയത്.
രണ്ടാം പകുതി തുടങ്ങി 60ാം മിനുട്ടില്‍ ലഭിച്ച പെനാല്‍റ്റി വലയിലാക്കി ലെവന്‍ഡോസ്‌കി ബയേണിന് സമനില സമ്മാനിച്ചു.
മത്സരത്തിലുടനീളം പന്ത് കൈവശം വയ്ക്കുന്നതില്‍ ബയേണ്‍ മുന്നിട്ടു നിന്നു. പൊസഷന്‍ 71 ശതമാനമായിരുന്നു ബയേണിന്. 660ഓളം പാസുകളും ബയേണ്‍ കൈമാറി. എന്നിട്ടും വിജയം മാത്രം അകന്നു നിന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates