മുംബൈ: ഇന്ത്യന്‍ ടെസ്റ്റ് വൈസ് ക്യാപ്റ്റന്‍ അജിന്‍ക്യ രഹാനെ കൗണ്ടിയില്‍ കളിക്കാനിറങ്ങുന്നു. ലോകകപ്പിനുള്ള ഇന്ത്യന്‍ ടീമില്‍ താരത്തിന് ഇടം കണ്ടെത്താന്‍ സാധിച്ചിരുന്നില്ല. ഇതിന് പിന്നാലെ രഹാനെ കൗണ്ടിയില്‍ കളിക്കാന്‍ തന്നെ അനുവദിക്കണമെന്ന് ബിസിസിഐയോട് അഭ്യര്‍ത്ഥിച്ചിരുന്നു. ബിസിസിഐ അനുവാദം നല്‍കിയതോടെയാണ് താരത്തിന്റെ കൗണ്ടി പ്രവേശം സാധ്യമായത്. 

ഹാംപ്ഷയറിന് വേണ്ടിയാണ് രഹാനെ കളിക്കാനൊരുങ്ങുന്നത്. മെയ്, ജൂണ്‍, ജൂലൈ മാസങ്ങളില്‍ നടക്കുന്ന കൗണ്ടി ചാമ്പ്യന്‍ഷിപ്പില്‍ ഹാംപ്ഷയറിനായി രഹാനെ ഇറങ്ങും. 

ലോകകപ്പ് ടീമില്‍ ഇടം നേടിയ ദക്ഷിണാഫ്രിക്കന്‍ താരം എയ്ഡന്‍ മാര്‍ക്രമിന് പകരമാണ് രഹാനെ ടീമിലെത്തുന്നത്. ഹാംപ്ഷയറിനായി കളിക്കാനിറങ്ങുന്ന ആദ്യ ഇന്ത്യന്‍ താരമെന്ന പെരുമയും താരം സ്വന്തമാക്കി.