ചെല്സിയുടെ സൂപ്പര് താരം എഡന് ഹസാര്ഡ് അടുത്ത് തന്നംെ ബെര്നാബ്യുവിലേക്കെത്തുമെന്ന റിപ്പോര്ട്ടുകള് ശക്തമായി കഴിഞ്ഞു. സമ്മര് ട്രാന്സ്ഫര് വിപണിയിലൂടെ റയല് മാഡ്രിഡിലേക്ക് ഹസാര്ഡ് ചേക്കേറുമെന്ന റിപ്പോര്ട്ടുകള്ക്കിടെ ഒരു ചോദ്യവും ഉയര്ന്നു. റയലില് ക്രിസ്റ്റിയാനോ അണിഞ്ഞിരുന്ന ഏഴാം നമ്പര് ജേഴ്സിയിലാകുമോ ഹസാര്ഡ് കണ്ണുവയ്ക്കുക?
എന്നാല്, ക്രിസ്റ്റിയാനോയുടെ ഏഴാം നമ്പര് ജേഴ്സിക്ക് പിന്നാലെയല്ല. ബാലന് ദി ഓര് ജേതാവ് ലൂക്കാ മോഡ്രിച്ചിന്റെ പത്താം നമ്പറാണ് ഹസാര്ഡ് ലക്ഷ്യം വയ്ക്കുന്നത് എന്നാണ് ഡെയ്ലി മെയില് റിപ്പോര്ട്ട് ചെയ്യുന്നത്. ക്രിസ്റ്റിയാനോ പോയതിന് പിന്നാലെ ഏഴാം നമ്പര് റയല് മരിയാനോ ഡയസിന് നല്കിയിരുന്നു.
റയലില് മോഡ്രിച്ച് നിര്ണായക ഘടകമായിരിക്കെ, മോഡ്രിച്ചിന്റെ പത്താം നമ്പര് ജേഴ്സി ഹസാര്ഡ് ആവശ്യപ്പെട്ടാല് എന്ത് സംഭവിക്കുമെന്നാണ് ആരാധകര് ഉറ്റുനോക്കുന്നത്. 16 ഗോളും, 12 അസിസ്റ്റുമായി ഈ സീസണില് ഗോള്മുഖത്ത് മുന്നിലുള്ളത് ഹസാര്ഡ് ആണ്. 19 ഗോളും, ഏഴ് അസിസ്റ്റുമുള്ള അഗ്യുറോയേക്കാളും, 18 ഗോളും, ഏഴ് അസിസ്റ്റുമുള്ള സലയേക്കാളും മുന്നിലാണ് ഹസാര്ഡ്.
റയല് മാഡ്രിഡില് കളിക്കുവാനുള്ള താത്പര്യം ഹസാര്ഡ് എന്നും പരസ്യമായി പ്രകടിപ്പിച്ചിട്ടുണ്ട്. റയലില് കളിക്കുക എന്നത് തന്റെ കുട്ടിക്കാല സ്വപ്നങ്ങളില് ഒന്നാണെന്നും, സിദാന് കീഴില് കളിക്കുക എന്നത് ആ താത്പര്യം വര്ധിപ്പിക്കുന്നുമെന്നുമാണ് ഹസാര്ഡ് പറഞ്ഞിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates