ഫ്രാന്സില് നിന്നേറ്റ തിരിച്ചടിയെ തുടര്ന്നാണ് തന്റേയും അര്ജന്റീനയുടേയും ലോക കപ്പ് പ്രതീക്ഷകള് പൊലിഞ്ഞതെങ്കിലും ഈ ഫ്രഞ്ച് സൂപ്പര് താരത്തോടുള്ള ഇഷ്ടം തുറന്നു കാട്ടി മെസി. പോള് പോഗബയെ ബാഴ്സയില് എത്തിക്കണം എന്ന ആവശ്യമാണ് മെസി മുന്നോട്ടു വെച്ചിരിക്കുന്നത്.
നിലവില് മാഞ്ചസ്റ്റര് യുനൈറ്റഡിന്റെ മധ്യനിര താരമാണ് പോഗ്ബ. ഇനിയെസ്റ്റ പോയ വിടവും, പൗളിഞ്ഞോ ഈ സീസണോടെ ക്ലബ് വിട്ടേക്കുമെന്ന സാധ്യതകളും മുന്നില് കണ്ടാണ് പോഗ്ബയെ ബാഴ്സയിലെത്തിക്കണം എന്ന ആവശ്യം മെസി മുന്നോട്ടു വെച്ചിരിക്കുന്നതെന്നാണ് സൂചന.
എന്നാല് മാഞ്ചസ്റ്റര് യുനൈറ്റഡിന്റെ സൂപ്പര് താരത്തെ ടീമിലെത്തിക്കാനാണെങ്കില് ബാഴ്സയ്ക്ക് വിയര്പ്പൊഴുക്കേണ്ടി വരുമെന്ന് വ്യക്തം. നൂറ് മില്യണ് യൂറോയ്ക്ക് മാഞ്ചസ്റ്റര് യുനൈറ്റഡിലെത്തിയ താരമാണ് പോഗ്ബ. ഈ സീസണില് മാഞ്ചസ്റ്റര് യുനൈറ്റഡിന് വലിയ മുന്നേറ്റം നടത്താന് സാധിച്ചില്ലാ എങ്കിലും പോഗ്ബയെ ബാഴ്സയില് എത്തിക്കണം എങ്കില് വലിയ വില തന്നെ കാറ്റാലന്സിന് മുടക്കേണ്ടി വരുമെന്ന് ഉറപ്പാണ്.
പോഗ്ബയ്ക്ക മുന്പ് ഫ്രഞ്ച താരം ഗ്രീസ്മനിനെയായിരുന്നു ബാഴ്സ ലക്ഷ്യമിട്ടിരുന്നത്. എന്നാല് അത്ലറ്റിക്കോ മാഡ്രിഡില് തന്നെ തുടരുകയാണെന്ന് ഗ്രീസ്മാന് വ്യക്തമാക്കിയതോടെ ബാഴ്സയ്ക്ക് മറ്റ് സാധ്യതകള് തിരയേണ്ടി വരികയായിരുന്നു. കുട്ടിഞ്ഞോയേയും, ഡെംബേലയേയും ടീമിലേക്ക് എത്തിച്ചതിന്റെസാമ്പത്തിക ക്ഷീണം ബാഴ്സയ്ക്ക് ഇനിയും വിട്ടുമാറിയിട്ടില്ല. അതിനാല് പോഗ്ബയെ ടീമിലേക്ക് എത്തിക്കണം എന്ന മെസിയുടെ ആവശ്യം മാനേജ്മെന്റ് എത്രമാത്രം കാര്യമായി എടുക്കുമെന്ന് കണ്ടറിയണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates