ഇസ്ലാമാ​ബാ​ദ്: കോ​വി​ഡ്-19 വൈ​റ​സ് വ്യാ​പ​നം പ്രതിരോധിക്കുന്നതിനായി പാകിസ്ഥാനിലും ലോക്ക്ഡൗൺ പ്രഖ്യാപിച്ചിരിക്കുകയാണ്. കോവിഡിനെതിരായ പോരാട്ടത്തിൽ ജനങ്ങളെ ബോധവൽക്കരിക്കുന്നതിൽ മുൻ ക്രിക്കറ്റ് താരം ഷോയിബ് അക്തർ മുന്നിലുണ്ട്. എന്നാൽ കഴിഞ്ഞ ദിവസം അക്തർ സമൂഹമാധ്യമത്തിൽ പങ്കുവെച്ച വീഡിയോ വൻ വിവാദത്തിലായിരിക്കുകയാണ്.

ലോക്ക്ഡൗൺ ലംഘിച്ച് ഷോയിബ് അക്തർ ആളൊഴിഞ്ഞ നിരത്തിലൂടെ സൈക്കിളിം​ഗ് നടത്തുന്ന വീഡിയോയയാണ് വിവാദമായത്. അക്തറിന്റെ പെരുമാറ്റത്തിനെതിരെ രൂക്ഷ വിമർശനമാണ് ഉയരുന്നത്. സമൂഹത്തോട് കടമ നിർദേശിക്കുന്ന താരം, സ്വന്തമായി അത് പാലിക്കേണ്ടതിന്റെ ഉത്തരവാദിത്തം മറന്നുവോ എന്ന് വിമർശകർ ചോദിക്കുന്നു.

ലോ​ക്ക്ഡൗ​ൺ ലം​ഘി​ച്ച് ഇ​സ്‌​ലാ​മാ​ബാ​ദ് ന​ഗ​ര​ത്തി​ലൂ​ടെയാണ് താ​രം സൈ​ക്കി​ളി​ൽ ക​റ​ങ്ങി​യ​​ത്. ത​ന്‍റെ ഔ​ദ്യോ​ഗി​ക പേ​ജി​ൽ ഇ​തി​ന്‍റെ വീ​ഡി​യോ​യും താ​രം പ​ങ്കു​വെച്ചു. 'എ​ന്‍റെ സു​ന്ദ​ര ന​ഗ​ര​ത്തി​ലൂ​ടെ ഒ​രു സൈ​ക്കി​ൾ സ​വാ​രി. ന​ല്ല കാ​ലാ​വ​സ്ഥ. ആ​ളൊ​ഴി​ഞ്ഞ റോ​ഡ്, ന​ല്ലൊ​രു വ​ർ​ക്കൗ​ട്ടും" - എ​ന്ന കു​റി​പ്പോ​ടെ​യാ​ണ് വീ​ഡി​യോ പോ​സ്റ്റ് ചെ​യ്ത​ത്.

നി​ര​വ​ധി ആ​രാ​ധ​ക​രാ​ണ് വീ​ഡി​യോ​യ്ക്കെ​തി​രെ രം​ഗ​ത്തെ​ത്തി​യ​ത്. ലോ​ക്ക്ഡൗ​ൺ കാ​ല​ത്ത് വീ​ടു​വി​ട്ടു പു​റ​ത്തി​റ​ങ്ങ​രു​തെ​ന്ന് ഉ​പ​ദേ​ശി​ക്കു​ന്ന അ​ക്ത​ർ ത​ന്നെ ച​ട്ട​ങ്ങ​ൾ ലം​ഘി​ച്ച് ന​ഗ​ര​ത്തി​ലൂ​ടെ സൈ​ക്കി​ൾ സ​വാ​രി ന​ട​ത്തി​യ​ത് ചോ​ദ്യം ചെ​യ്യു​ന്ന വീ​ഡി​യോ​യ്ക്കു താ​ഴെ ആ​യി​ര​ത്തി​ല​ധി​കം ക​മ​ന്‍റു​ക​ളാ​ണ് പ്ര​തൃ​ക്ഷ​പ്പെ​ട്ട​ത്. താ​ര​ത്തി​നെ​തി​രെ കേ​സെ​ടു​ക്ക​ണ​മെ​ന്നും ആ​വ​ശ്യം ഉ​യ​രു​ന്നു​ണ്ട്.