ഏറെ വേദനിപ്പിക്കുന്ന ഒന്നാണിത്, ഒരു കായിക താരം എന്നതിനേക്കാള് ഉപരി മനുഷ്യന് എന്ന നിലയില്. വംശീയ അധിക്ഷേപത്തിന്റെ പേരില് രാജ്യാന്തര ഫുട്ബോളില് നിന്നും വിരമിക്കല് പ്രഖ്യാപിച്ച ഫുട്ബോള് താരം മെസുട് ഓസിലിന്റെ വാക്കുകള് ഏറെ വേദനിപ്പിച്ചുവെന്ന് പറയുകയാണ് ടെന്നീസ് താരം സാനിയാ മിര്സ.
നിങ്ങള് പറഞ്ഞ ഒരു കാര്യം ശരിയാണ്. സാഹചര്യം ഏതായാലും വംശീയതയെ വളരാന് അനുവദിക്കരുത്. ഇതെല്ലാം സത്യമാകുന്നു എന്നത് കൂടുതല് ദുഃഖിപ്പിക്കുന്നുവെന്നും സാനിയ ട്വിറ്ററില് കുറിക്കുന്നു.
വിരമിക്കല് പ്രഖ്യാപിച്ചുകൊണ്ട് ഓസില് തനിക്ക് നേരെ ഉയര്ന്ന വിമര്ശനങ്ങള്ക്കെല്ലാം മറുപടി കൊടുത്തായിരുന്നു ഓസില് ജര്മന് കുപ്പായം എന്നന്നേക്കുമായി അഴിച്ചത്. ജയിക്കുമ്പോള് ഞാന് ജര്മന്, തോല്ക്കുമ്പോള് കുടിയേറ്റക്കാരന് എന്ന ഓസിലിന്റെ വാക്കുകള് ഫുട്ബോള് ലോകത്തിന് പുറത്തേക്കും ചര്ച്ചയായി എത്തുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates