ടൗണ്‍ടണ്‍: നമ്മുടെ ധര്‍മജന്‍ ബോള്‍ഗാട്ടി എപ്പോഴാണ് വെസ്റ്റിന്‍ഡീസിനൊപ്പം ലോകകപ്പ് കളിക്കാന്‍ പോയത്. സോഷ്യൽ മീഡിയയിൽ ഇപ്പോൾ പലരും ചോദിക്കുന്നതിതാണ്. കഴിഞ്ഞ ദിവസം ബംഗ്ലാദേശിനെതിരായ വെസ്റ്റിന്‍ഡീസിന്റെ മത്സരത്തിനു ശേഷം ഒരാള്‍ ഫെയ്​സ്ബുക്കിൽ കുറിച്ച വരികളാണ് ഇപ്പോൾ ചർച്ചയാകുന്നത്. 

ഹാസ്യ നടന്‍ ധര്‍മജനും വെസ്റ്റിന്‍ഡീസ് ക്രിക്കറ്റ് താരം ഷിംറോണ്‍ ഹെറ്റ്മയറും തമ്മിലുള്ള സാമ്യമാണ് ഇത്തരമൊരു ചർച്ചയ്ക്ക് വഴിയൊരുക്കിയത്. ഇതിനൊപ്പം പങ്കുവെച്ച ചിത്രം കണ്ടാൽ അങ്ങനെ തോന്നുമെന്ന കാര്യത്തിൽ സംശയമില്ല. ഇത് ശരിക്കും നമ്മുടെ ധര്‍മജന്‍ തന്നെയല്ലെ?  എന്നാണ് മലയാളികൾ ചോദിക്കുന്നത്. 

ഹെറ്റ്മയറെ ഒറ്റ നോട്ടത്തില്‍ കണ്ടാല്‍ ധര്‍മജനാണെന്നേ പറയൂ എന്നാണ് ആരാധകരുടെ കമന്റ്. ഇരുവരുടെയും ചിത്രങ്ങള്‍ ഒന്നിച്ചു ചേര്‍ത്ത് നിരവധി ട്രോളുകളും സാമൂഹിക മാധ്യമങ്ങളിൽ പ്രചരിക്കുന്നുണ്ട്.