ഡിവില്ലിയേഴ്‌സിനോട് ഇന്ത്യക്കാര്‍ക്കുള്ള സ്‌നേഹം പറഞ്ഞറിയിക്കാനാവാത്തതാണ്. ക്രിക്കറ്റില്‍ നിന്നും ഡിവില്ലിയേഴ്‌സ് വിരമിക്കല്‍ പ്രഖ്യാപിച്ചപ്പോഴും ഐപിഎല്‍ കളിക്കാന്‍ എങ്കിലും ദക്ഷിണാഫ്രിക്കന്‍ താരം എത്തണം എന്നായിരുന്നു അവരുടെ ആവശ്യം. എന്നാലിപ്പോള്‍ ഒരു വിഭാഗം ഇന്ത്യക്കാര്‍ ഡിവില്ലിയേഴ്‌സിന്റെ ശത്രുവായി മാറിയിരിക്കുകയാണ്. 

സമൂഹമാധ്യമങ്ങളിലൂടെ ഡിവില്ലിയേഴ്‌സ് ഷെയര്‍ ചെയ്ത വൈനിന്റെ പരസ്യത്തില്‍ ഇന്ത്യന്‍ പതാക ഉള്ളതാണ് ചിലരെ പ്രകോപിപ്പിച്ചത്. ഡിവില്ലിയേഴ്‌സ് ഇന്ത്യയെ അധിക്ഷേപിച്ചിരിക്കുകയാണെന്നും പോസ്റ്റ് ഡിലീറ്റ് ചെയ്യണം എന്നും പറഞ്ഞാണ് നിരവധി കമന്റുകള്‍ ഡിവില്ല്ിയേഴ്‌സിന്റെ പോസ്റ്റിനടിയില്‍ വരുന്നത്. എന്നാല്‍ ഡിവില്ലിയേഴ്‌സിന്റെ ഭാഗത്ത് നിന്നും ഇതുവരെ പ്രതികരണം ഉണ്ടായിട്ടില്ല.