മുംബൈ: ആരാധകരുടെ ചോദ്യങ്ങള്‍ക്ക് മറുപടിയുമായാണ് രോഹിത് ശര്‍മ എത്തിയത്. ഇവിടെ ആരാധകരില്‍ നിന്ന് വന്ന് മൂടിയ ചോദ്യങ്ങളില്‍ ഒന്ന് സച്ചിനാണോ കേമന്‍ സെവാഗ് ആണോ എന്നതായിരുന്നു. ഇതിന് രോഹിത് നല്‍കിയ മറുപടിയാണ് ആരാധകരെ കൗതുകത്തിലാക്കുന്നത്. 

ഇവരില്‍ ആര് എന്ന ചോദ്യത്തിന് മറുപടി നല്‍കാന്‍ രോഹിത് തയ്യാറായില്ല. പകരം കൊലക്ക് കൊടുക്കുമോ എന്നാണ് ആരാധകനോട് രോഹിത് തിരികെ ചോദിക്കുന്നത്. ആരുടെ ബാറ്റിങ് കാണാനാണ് ഇഷ്ടം എന്നും രോഹിത്തിനോട് ചോദ്യം വന്നു. സ്മിത്തിന്റേയും ജാസന്‍ റോയിയുടേയും പേരാണ് രോഹിത്ത് ഇവിടെ മറുപടിയായി പറയുന്നത്. 

വിരാട് കോഹ് ലിയെ കുറിച്ച് ഒരു വാക്ക് പറയൂ എന്നാണ് രോഹിത്തിനോട് വന്ന മറ്റൊരു ചോദ്യം. ഇതില്‍ ആരാധകന്‍ കോഹ് ലി എന്നെഴുതിയതിലെ സ്‌പെല്ലിങ് മിസ്റ്റേക്കിലേക്ക് ചൂണ്ടിയായിരുന്നു രോഹിത്തിന്റെ മറുപടി.