വാങ്കഡെയിലെ സച്ചിന്റെ വിരമിക്കല്‍ പ്രസംഗം കേട്ട് തങ്ങള്‍ കരച്ചിലടക്കാന്‍ പാടുപെട്ടതായി വിന്‍ഡിസ് ഓള്‍ റൗണ്ടര്‍ കിര്‍ക് എഡ്വാര്‍ഡ്‌സ്. ക്രിസ് ഗെയ്‌ലിന് ഒപ്പമാണ് ഞാന്‍ നിന്നിരുന്നത്. കണ്ണീര് ഒഴുകുന്നത് തടയാന്‍ ഞങ്ങള്‍ക്കാവുന്നുണ്ടായില്ലെന്ന് കിര്‍ക് എഡ്വാര്‍ഡ്‌സ് പറയുന്നു. 

ഈ മനുഷ്യനെ വീണ്ടും കളിക്കളത്തില്‍ കാണാന്‍ സാധിക്കില്ല എന്ന തിരിച്ചറിവ് ഞങ്ങളെ ഏറെ അലട്ടി. ഇന്ത്യക്കാര്‍ക്ക് മാത്രമല്ല, ഞങ്ങള്‍ക്കും അത് വൈകാരിക നിമിഷമായിരുന്നു. പ്രതിസന്ധി ഘട്ടത്തിലൂടെ കടന്നു പോവുമ്പോള്‍ സച്ചിന്‍ തന്നെ പിന്തുണച്ചതിനെ കുറിച്ചും വിന്‍ഡിസ് ഓള്‍ റൗണ്ടര്‍ പറയുന്നു. 

ഇംഗ്ലണ്ടില്‍ എനിക്ക് ബുദ്ധിമുട്ട് നേരിട്ട സമയം സച്ചിന്‍ എനിക്ക് മെസേജ് അയച്ചു. എനിക്ക് വലിയ ആത്മവിശ്വാസമാണ് അന്ന് സച്ചിന്‍ നല്‍കിയത്. ഏറ്റവും മികച്ച കളിക്കാര്‍ക്ക് വരെ പ്രതിസന്ധി ഘട്ടങ്ങളിലൂടെ കടന്നു പോവേണ്ടി വരും എന്ന് സച്ചിന്‍ എന്നോട് പറഞ്ഞു. മുന്നോട്ട് പോവാനാണ് സച്ചിന്‍ എന്നോട് ആവശ്യപ്പെട്ടത്...