ന്യൂഡല്‍ഹി: കേരളത്തിന്റെ ഫാസ്റ്റ് ബൗളര്‍ സന്ദീപ് വാര്യര്‍ റസ്റ്റ് ഓഫ് ഇന്ത്യ ടീമില്‍. രഞ്ജി ട്രോഫിയില്‍ കേരളത്തിനായി കാഴ്ചവെച്ച മികച്ച ബൗളിംഗ് പ്രകടനമാണ് സന്ദീപ് വാര്യരെ സെലക്ഷന്‍ കമ്മറ്റി പരിഗണിക്കാന്‍ ഇടയാക്കിയത്. ഫെബ്രുവരി 12ന് നാഗ്പൂരില്‍ ആരംഭിക്കുന്ന ഇറാനിട്രോഫിയില്‍ രഞ്ജി ചാമ്പ്യന്‍മാരായ വിദര്‍ഭയ്‌ക്കെതിരെയാണ് റസ്റ്റ് ഓഫ് ഇന്ത്യയുടെ മത്സരം.
ഇന്ത്യന്‍ ടെസ്റ്റ് ക്രിക്കറ്റ് ടീം വൈസ് ക്യാപ്റ്റന്‍ അജിങ്ക്യ രഹാനെയാണ് റസ്റ്റ് ഓഫ് ഇന്ത്യയുടെ നായകന്‍. ഇന്ത്യന്‍ ടീമംഗങ്ങളായിരുന്ന മായങ്ക് അഗര്‍വാള്‍, ശ്രേയസ്സ് അയ്യര്‍, ഹനുമാ വിഹാരി എന്നിവരും ടീമിലുണ്ട്. ഇഷാന്‍ കിഷനാണ് കീപ്പര്‍. ഇതോടൊപ്പം ഇന്ത്യാ എ ടീമിനെയും പ്രഖ്യാപിച്ചിട്ടുണ്ട്. കെഎല്‍ രാഹുലാണ് ക്യാപ്റ്റന്‍. മറുനാടന്‍ മലയാളി കരുണ്‍ നായരും, കേരളാ രഞ്ജി ടീമംഗം ജലജ് സക്‌സേനയും ടീമിലുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates