ധോനി തന്റെ പേരില് തീര്ത്ത റെക്കോര്ഡുകളിലൊന്ന് മറികടക്കാനൊരുങ്ങി ഇന്ത്യന് വിക്കറ്റ് കീപ്പര് വൃദ്ധിമാന് സാഹ. ഇന്ത്യ-ബംഗ്ലാദേശ് ടെസ്റ്റ് പരമ്പരയില് ഏറ്റവും കൂടുതല് പുറത്താക്കലുകള് നടത്തിയ വിക്കറ്റ് കീപ്പര് എന്ന നേട്ടം ധോനിയുടെ പേരിലാണ്. ബംഗ്ലാദേശിനെതിരായ മൂന്ന് ടെസ്റ്റില് നിന്നും 15 ഡിസ്മിസലുകളാണ് ധോനിയുടെ പേരിലുള്ളത്.
നിലവില്, ബംഗ്ലാദേശിനെതിരെ രണ്ട് ടെസ്റ്റില് നിന്ന് 7 ഡിസ്മിസലാണ് സാഹയുടെ പേരിലുള്ളത്. ഇന്ത്യ-ബംഗ്ലാദേശ് ടെസ്റ്റ് പരമ്പരയില് കൂടുതല് ഡിസ്മിസലുകളിലേക്ക് എത്തിയ രണ്ടാമത്തെ വിക്കറ്റ് കീപ്പര് ദിനേശ് കാര്ത്തിക്കാണ്. 12 വിക്കറ്റുകള് വീഴാനാണ് ദിനേശ് കാര്ത്തിക് കാരണമായത്.
മൂന്നാം സ്ഥാനത്ത് ബംഗ്ലാദേശിന്റെ മുഷ്ഫിഖര് റഹീമാണ്. 11 ഡിസ്മിസലുകളാണ് മുഷ്ഫിഖറിന്റെ പേരിലുള്ളത്. സാഹയ്ക്ക് മുന്പ് മുഷ്ഫിഖറിന് ധോനിയെ മറികടക്കാനുള്ള സാധ്യതയും മുന്പിലുണ്ട്. എന്നാല് ജോലിഭാരം ലഘൂകരിക്കാന് വേണ്ടി, വിക്കറ്റ് കീപ്പിങ് ഒഴിവാക്കുമെന്ന് മുഷ്ഫിഖര് പറഞ്ഞിരുന്നു. ആദ്യ ടെസ്റ്റില് മുഷ്ഫിഖറായിരിക്കുമോ വിക്കറ്റിന് പിന്നില് ്അതോ, മുഹമ്മദ് മിഥുന് വിക്കറ്റിന് പിന്നിലേക്ക് എത്തുമോയെന്നും ഉറപ്പായിട്ടില്ല.
ഇന്ത്യ-ബംഗ്ലാദേശ് പരമ്പരയിലെ വിക്കറ്റ് കീപ്പര്മാരുടെ കണക്കുകള് ഇങ്ങനെ...
ധോനി -15, ക്യാച്ചുകള് 12, സ്റ്റംപിങ്സ് 3
ദിനേശ് കാര്ത്തിക് -12, ക്യാച്ചുകള് 11, സ്റ്റംപിങ്സ് 1
മുഷ്ഫിഖര് റഹീം -11, ക്യാച്ചുകള് 9, സ്റ്റംപിങ്സ് 2
ഖാലെദ് മാഷുദ് -8, ക്യാച്ചുകള് 5, സ്റ്റംപിങ്സ് 3
സാഹ - 7, ക്യാച്ചുകള് 5, സ്റ്റംപിങ്സ് 2
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates