മുംബൈ: ഇന്ത്യയുടെ ട്വന്റി20 ലോകകപ്പിനായുള്ള പരിശീലന ക്യാംപില്‍ ധോനി ഉണ്ടാവണമെന്ന് മുന്‍ ചീഫ് സെലക്ടര്‍ എംഎസ്‌കെ പ്രസാദ്. ഞാന്‍ ചീഫ് സെലക്ടറാണ് എങ്കില്‍ എന്റെ ടീമില്‍ ധോനി ഉറപ്പായും ഉണ്ടാവുമെന്നും എംഎസ്‌കെ പ്രസാദ് പറഞ്ഞു.
ട്വന്റി20 ലോകകപ്പ് നടക്കുമോ ഇല്ലയോ എന്നറിയില്ല. നടക്കുകയാണ് എങ്കില്‍ ധോനി ടീമിലുണ്ടാവണം. എന്നാല്‍ ധോനിക്ക് കളിക്കാന്‍ താത്പര്യം ഉണ്ടോ എന്നാണ് അറിയേണ്ടത്. ഉഭയകക്ഷി പരമ്പരകളാണ് എങ്കില്‍ നമുക്ക് രാഹുലും, റിഷഭ് പന്തും സഞ്ജു സാംസണുമുണ്ടെന്നും എംഎസ്‌കെ പ്രസാദ് പറഞ്ഞു.
എന്നാല്‍ ചീഫ് സെലക്ടറായിരിക്കുന്ന സമയം ധോനിയെ ലോകകപ്പ് ടീമില്‍ ഉള്‍പ്പെടുത്തുന്നതില്‍ പ്രതികൂല പ്രതികരണമായിരുന്നു എംഎസ്‌കെ പ്രസാദില്‍ നിന്നുണ്ടായത്. കളിച്ച് തെളിയിച്ചാല്‍ മാത്രമാവും ധോനിയെ ഇനി ടീമിലേക്ക് പരിഗണിക്കുക എന്നും, ധോനിപ്പ് അപ്പുറമുള്ള ഇന്ത്യയെ വളര്‍ത്തിയെടുക്കുകയാണ് ലക്ഷ്യമെന്നും എംഎസ്‌കെ പ്രസാദ് ചീഫ് സെലക്ടറായിരിക്കുമ്പോള്‍ പറഞ്ഞു.
സൂര്യകുമാര്‍ യാദവ്, രവി ബിഷ്‌നോയ്, യശസ്വി ജയ്‌സ്വാള്‍ എന്നിവര്‍ക്ക് പ്രാധാന്യം നല്‍കണം എന്നാണ് ഹര്‍ഭജന്‍ സിങ് പറഞ്ഞത്. ഇന്ത്യയുടെ ട്വന്റി20 ലോകകപ്പ് പരിശീലന ക്യാമ്പില്‍ സൂര്യകുമാര്‍ യാദവ് സ്ഥാനം അര്‍ഹിക്കുന്നുണ്ട്. അണ്ടര്‍ 19 ലെഗ് സ്പിന്നര്‍ രവി ബിഷ്‌നോയിയേയും, യശസ്വി ജയ്‌സ്വാളിനേയും ഇന്ത്യയുടെ ട്വന്റി20 ലോകകപ്പ് സംഘത്തില്‍ കാണണം എന്ന് ഹര്‍ഭജന്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates