ലാഹോര്‍: സ്‌നേഹ പ്രകടനത്തിന് ഇടയില്‍ ഇന്ത്യന്‍ മുന്‍ താരം യുവരാജ് സിങ്ങിന്റെ പുറം താന്‍ പൊളിച്ചിരുന്നതായി പാക് പേസര്‍ ഷുഐബ് അക്തര്‍. ഞാന്‍ അവരുമായി മല്‍പ്പിടുത്തത്തില്‍ ഏര്‍പ്പെടുകയല്ല. ഞാന്‍ എന്റെ സ്‌നേഹം പ്രകടിപ്പിക്കുന്നത് അങ്ങനെയാണ്, അക്തര്‍ പറഞ്ഞു.
കെട്ടിപ്പിടിച്ച് ഷാഹിദ് അഫ്രീദിയുടെ വാരിയെല്ല് ഞാന്‍ ഓടിച്ചിട്ടുണ്ട്. യുവരാജ് സിങ്ങിന്റെ പുറം പൊളിച്ചു. അബ്ദുല്‍ റസാഖിന്റെ ഹാം സ്ട്രിങ്ങും എന്റെ കെട്ടിപ്പിടുത്തത്തില്‍ ഞെരുങ്ങി. ആളുകളോട് ഞാന്‍ സ്‌നേഹം പ്രകടിപ്പിക്കുന്നത് ഒരല്‍പം കടന്ന് പോവുന്നു. എന്റെ ശക്തി ഞാന്‍ തന്നെ മനസിലാക്കുന്നില്ല എന്നാണ് അത് തെളിയിക്കുന്നത്, അക്തര്‍ പറഞ്ഞു.
നേരത്തെ സച്ചിന്‍ ദൈവമാണെന്ന് കേട്ടപ്പോള്‍ ഇതാണോ ദൈവം എന്ന് തോന്നിയതിനെ കുറിച്ചും അക്തര്‍ നേരത്തെ പറഞ്ഞിരുന്നു. ആദ്യ പന്തില്‍ തന്നെ പുറത്താക്കിയാണ് സച്ചിനെ അന്ന് നേരിട്ടത് എന്നും അക്തര്‍ പറഞ്ഞിരുന്നു.
1999ലെ കൊല്‍ക്കത്ത ടെസ്റ്റിലാണ് അക്തര്‍ ആദ്യമായി സച്ചിനെ നേരിട്ടത്. അന്ന് ഇന്ത്യക്കെതിരായ തന്റെ അരങ്ങേറ്റ ടെസ്റ്റില്‍ സച്ചിന്‍, ദ്രാവിഡ്, ലക്ഷ്മണ്‍ എന്നിവരുടെ വിക്കറ്റ് വീഴ്ത്തിയും അക്തര്‍ കരുത്ത് കാണിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates