അജിത് വിനായക ഫിലിംസിന്റെ ബാനറില് വിനായക അജിത് നിര്മ്മിക്കുന്ന ഫാമിലി റൊമാന്റിക് കോമഡി എന്റര്ടൈനറായ 'മധുവിധു' വിലെ ആദ്യ ഗാനം പുറത്ത്. 'മെല്ലവേ മെല്ലവേ' എന്ന വരികളോടെ ആരംഭിക്കുന്ന ഗാനത്തിന്റെ ലിറിക്കല് വീഡിയോ ആണ് ഇപ്പൊള് റിലീസ് ചെയ്തിരിക്കുന്നത്. വിനീത് ശ്രീനിവാസനും സിത്താര കൃഷ്ണകുമാറും ചേര്ന്നാണ് ഈ മനോഹരമായ പ്രണയ ഗാനം ആലപിച്ചിരിക്കുന്നത്.
2026, മെയ് 1 ന് ചിത്രം ആഗോള റിലീസായി തിയേറ്ററുകളിലെത്തും. ഷറഫുദീന് നായകനായി എത്തുന്ന ചിത്രം സംവിധാനം ചെയ്യുന്നത് വിഷ്ണു അരവിന്ദ്. ബാബുവേട്ടന് പ്രൊഡക്ഷന്സിന്റെ ബാനറില് ശാന്തകുമാര്- മാളവിക കൃഷ്ണദാസ് എന്നിവരാണ് ചിത്രത്തിന്റെ സഹനിര്മ്മാണം. അജിത് വിനായക ഫിലിംസിന്റെ പന്ത്രണ്ടാം ചിത്രം ആയാണ് 'മധുവിധു' എത്തുന്നത്.
ചിത്രത്തിലെ നായികാ വേഷം ചെയ്യുന്നത് പ്രശസ്ത നടി ബിന്ദു പണിക്കരുടെ മകള് കല്യാണി പണിക്കര് ആണ്. കല്യാണി പണിക്കര് ബിഗ് സ്ക്രീനില് നായികയായി അരങ്ങേറ്റം കുറിക്കുന്ന ചിത്രം കൂടിയാണ് 'മധുവിധു'. ചിത്രത്തിന്റെ ആദ്യ ടീസര് ഏതാനും ദിവസങ്ങള്ക്ക് മുന്പ് പുറത്ത് വന്നിരുന്നു. ആദ്യാവസാനം പ്രേക്ഷകര്ക്ക് ചിരി സമ്മാനിക്കുന്ന രീതിയിലാണ് ചിത്രം കഥ പറയുന്നതെന്ന സൂചനയാണ് ടീസര് നല്കിയത്.
കോമഡിക്കൊപ്പം റൊമാന്റിക് ഘടകങ്ങളും ചിത്രത്തില് ഉണ്ടെന്ന സൂചന ഇപ്പൊള് പുറത്ത് വന്ന ഗാനവും പ്രേക്ഷകര്ക്ക് നല്കുന്നുണ്ട്. അഞ്ച് ആണുങ്ങള് മാത്രമുള്ള, പെണ്ണില്ലാത്ത ഒരു കുടുംബത്തിന്റെ പശ്ചാത്തലത്തിലാണ് ചിത്രം കഥ പറയുന്നതെന്നും ടീസര് കാണിച്ചു തന്നിരുന്നു. ഷൈലോക്കിന് ശേഷം ബിബിന് മോഹനും, മധുര മനോഹര മോഹം, പെറ്റ് ഡിറ്റക്ടീവ് എന്നീ ചിത്രങ്ങള്ക്ക് ശേഷം ജയ് വിഷ്ണുവും ചേര്ന്ന് രചിച്ച ചിത്രമാണ് 'മധുവിധു'.
ആദ്യാവസാനം പ്രേക്ഷകരെ രസിപ്പിക്കുന്ന ഒരു ഫാമിലി ഫണ് ഫിലിം ആയാണ് ചിത്രം ഒരുക്കുന്നതെന്ന സൂചനയാണ് ചിത്രത്തിന്റെ ഫസ്റ്റ് ലുക്ക് ഉള്പ്പെടെയുള്ള പോസ്റ്ററുകളും, ടീസറും നല്കുന്നത്. ജഗദീഷ്, അസീസ് നെടുമങ്ങാട്, സായ്കുമാര് , ശ്രീജയ , അമല് ജോസ് , സഞ്ജു മധു, എന്നിവരാണ് ചിത്രത്തിലെ മറ്റ് പ്രധാന താരങ്ങള്. ഗംഭീര പ്രേക്ഷക- നിരൂപക പ്രശംസ നേടിയ 'പൊന്മാന്', 'സര്ക്കീട്ട്', 'ഗഗനചാരി' അടക്കമുള്ള നിരവധി ചിത്രങ്ങളിലൂടെ മലയാള സിനിമാ നിര്മാണ രംഗത്തു തങ്ങളുടേതായ സ്ഥാനം ഉറപ്പിച്ച അജിത് വിനായക ഫിലിംസ് ആണ് ചിത്രം കേരളത്തില് റിലീസ് ചെയ്യുന്നത്. ചിത്രത്തിന്റെ ഓവര്സീസ് ഡിസ്ട്രിബൂഷന് പാര്ട്ണര്- ഫാര്സ് ഫിലിംസ്.
ഛായാഗ്രഹണം - വിശ്വജിത് ഒടുക്കത്തില്, സംഗീതം - ഹിഷാം അബ്ദുള് വഹാബ്, പോസ്റ്റ് പ്രൊഡക്ഷന് സൂപ്പര്വൈസര് ആന്ഡ് എഡിറ്റര്- ക്രിസ്റ്റി സെബാസ്ട്യന്, പ്രൊജക്റ്റ് ഡിസൈനര് - രഞ്ജിത്ത് കരുണാകരന്, കലാസംവിധാനം- ഔസേപ്പ് ജോണ്, കോസ്റ്റ്യൂം ഡിസൈനര്- ദിവ്യ ജോര്ജ്, മേക്കപ്പ്- ജിതേഷ് പൊയ്യ, പ്രൊഡക്ഷന് കണ്ട്രോളര്- സജീവ് ചന്ദിരൂര്, ചീഫ് അസ്സോസിയേറ്റ് ഡയറക്ടര്- അഖില് സി തിലകന്, സ്റ്റില്സ്- റിഷാജ് മുഹമ്മദ്, നൃത്തസംവിധാനം- റിഷ്ദാന് അബ്ദുള് റഷീദ്, വിഎഫ്എക്സ്- നോക്ക്റ്റേണല് ഒക്റ്റേവ്, പബ്ലിസിറ്റി ഡിസൈന്- യെല്ലോ ടൂത്, ഡിജിറ്റല് മാര്ക്കറ്റിങ് - ആരോമല്, പിആര്ഒ- ശബരി.
Sharafudheen and Kalyani Panicker starrer Madhuvidhu new song is out.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates