WhatsApp Business Paid Services: Meta Imposes New Message Charges AI Generated Image
Technology

നിങ്ങള്‍ വാട്സ്ആപ്പ് ബിസിനസ് ഉപയോഗിക്കുന്നുണ്ടോ? ഈ സേവനങ്ങള്‍ക്ക് ഇനി പണം നല്‍കണം

ഓരോ വാട്സ്ആപ്പ് ബിസിനസ് നമ്പറിനും പ്രതിമാസം 1,000 സൗജന്യ സര്‍വീസ് മെസേജുകള്‍ ലഭിക്കും

Author : സമകാലിക മലയാളം ഡെസ്ക്
Edited By : ബിജീഷ് ബാലകൃഷ്ണൻ

വാട്സ്ആപ്പ് ബിസിനസ് പ്ലാറ്റ്ഫോം ഉപയോഗിക്കുന്നവര്‍ക്ക് പുതിയ നിരക്ക് ഘടന പ്രഖ്യാപിച്ച് മെറ്റ. മുന്‍പ് സൗജന്യമായി നല്‍കിയിരുന്ന ചില കസ്റ്റമര്‍ സര്‍വീസ് സന്ദേശങ്ങള്‍ക്കും യൂട്ടിലിറ്റി സന്ദേശങ്ങള്‍ക്കുമാണ് ഒക്ടോബര്‍ 1 മുതല്‍ മെറ്റ പണം ഈടാക്കാന്‍ തുടങ്ങുന്നത്. ഓരോ വാട്സ്ആപ്പ് ബിസിനസ് നമ്പറിനും പ്രതിമാസം 1,000 സൗജന്യ സര്‍വീസ് മെസേജുകള്‍ ലഭിക്കും. എന്നാല്‍ 1,001-ാമത്തെ സന്ദേശം മുതല്‍ നിശ്ചിത നിരക്ക് ഈടാക്കും.

ഇന്ത്യയില്‍ സര്‍വീസ് മെസേജുകള്‍ക്ക്, സന്ദേശമൊന്നിന് 0.115 രൂപ അഥവാ 11.5 പൈസ ആണ് മെറ്റ നിശ്ചയിച്ചിരിക്കുന്നത്. ഇതിനു പുറമെ ജിഎസ്ടിയും ഈടാക്കും. കസ്റ്റമര്‍ സര്‍വീസ് വിന്‍ഡോയ്ക്കുള്ളില്‍ അയക്കുന്ന ഓര്‍ഡര്‍ കണ്‍ഫര്‍മേഷന്‍, ഡെലിവറി അപ്ഡേറ്റുകള്‍ തുടങ്ങിയ യൂട്ടിലിറ്റി സന്ദേശങ്ങള്‍ക്കും ഇനി മുതല്‍ നിരക്ക് ബാധകമായിരിക്കും.

അതേസമയം, വ്യക്തിഗത ആവശ്യങ്ങള്‍ക്ക് വാട്സ്ആപ്പ് ഉപയോഗിക്കുന്ന സാധാരണ ഉപയോക്താക്കളെയും, സൗജന്യ വാട്സ്ആപ്പ് ബിസിനസ് ആപ്പ് ഉപയോഗിക്കുന്ന ചെറുകിട വ്യാപാരികളെയും ഈ നിരക്ക് വര്‍ധന ബാധിക്കില്ല. വലിയ സംരംഭങ്ങള്‍ ഉപയോഗിക്കുന്ന വാട്സ്ആപ്പ് ബിസിനസ് പ്ലാറ്റ്ഫോം (API) ഉപയോക്താക്കള്‍ക്ക് മാത്രമാണ് ഈ നിരക്കുകള്‍ ബാധകമാകുന്നത്. എന്നാല്‍ പെയ്ഡ് ഉപയോക്താക്കള്‍ക്കായി പ്രത്യേക ഫീച്ചറുകള്‍ അവതരിപ്പിക്കാനും വാട്സ്ആപ്പ് ഒരുങ്ങുന്നതായി റിപ്പോര്‍ട്ടുണ്ട്.

Meta Introduces Paid Services for WhatsApp Business: New Pricing Structure Explained

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സ്വാമിയേ ശരണമയ്യപ്പാ..; മണ്ഡലകാല തീര്‍ഥാടനത്തിനായി ശബരിമല നട ഇന്ന് തുറക്കും

Weekly horoscope (November 15- November 21, 2026): ജോലി, പ്രണയം, സാമ്പത്തികം ഈ ആഴ്ച നിങ്ങള്‍ക്കെങ്ങനെ

Today's Rashi Phalam November 16| സർക്കാർ ആനുകൂല്യങ്ങളിൽ അനുകൂല പുരോഗതി, ആരോഗ്യം മെച്ചപ്പെടും

ഡിഗ്രിയുണ്ടോ? നാഷണൽ ഇൻഷുറസിൽ 200 ഒഴിവ്; കേരളത്തിലും അവസരം

'പോരാട്ടവീര്യത്തിന് ബാറ്റിങ് ഓര്‍ഡര്‍ ഇല്ല!! അഭിനന്ദനങ്ങള്‍ ചുണക്കുട്ടികളേ!'