ഐസിസി ടി20 ലോകകപ്പ് ക്രിക്കറ്റിലെ വിജയികൾക്ക് ലഭിക്കുന്ന സമ്മാനത്തുക എത്രയാണ്?. എല്ലാ ക്രിക്കറ്റ് ആരാധകരുടെയും മനസിലുയരുന്ന പ്രധാനപ്പെട്ട ഒരു ചോദ്യമാണിത്. ലോകത്ത് തന്നെ വലിയ വാണിജ്യമൂല്യമുള്ള ടൂർണമെന്റുകളിലൊന്നായി ടി20 ലോകകപ്പ് മാറിയിട്ടുണ്ട്. . ഈ വർഷത്തെ ടൂർണമെന്റിലെ വിജയികൾക്കുള്ള സമ്മാനത്തുക ഇതുവരെ ഐസിസി പ്രഖ്യാപിച്ചിട്ടില്ല.

പക്ഷെ, കഴിഞ്ഞ തവണത്തേക്കാൾ കൂടുതൽ പണം ഈ സീസണിലും ടീമുകൾക്ക് ലഭിക്കുമെന്നാണ് റിപ്പോർട്ടുകൾ. 2024 പതിപ്പിൽ പ്രഖ്യാപിച്ച റെക്കോർഡ് സമ്മാനത്തുകയാണ് ടീമുകൾക്ക് ലഭിച്ചത്. കഴിഞ്ഞ ലോകകപ്പിലെ ചാമ്പ്യന്മാരായ ഇന്ത്യക്ക് മാത്രം ലഭിച്ചത് 2.45 മില്യൺ ഡോളർ (ഏകദേശം 20.4 കോടി രൂപ ) ആണ്. ഫൈനലിൽ പരാജയപ്പെട്ട സൗത്ത് ആഫ്രിക്ക ടീമിന് 1.28 മില്യൺ ഡോളറും (ഏകദേശം 10.5 കോടി രൂപ) ലഭിച്ചു.