വീടുമായി ബന്ധപ്പെട്ട ചെലവു വര്‍ധിക്കാം; മക്കളുടെ കാര്യങ്ങള്‍ കൂടുതല്‍ ശ്രദ്ധിക്കുക

മേടം (അശ്വതി, ഭരണി, കാര്‍ത്തിക ¼)

അപ്രതീക്ഷിതമായ സന്ദേശങ്ങള്‍ ദിവസത്തെ ഗതിമാറ്റാന്‍ ഇടയാക്കും. നേതൃഗുണം പ്രകടിപ്പിക്കേണ്ട സാഹചര്യം വരാം. ചെറിയ തീരുമാനങ്ങള്‍ പോലും നല്ലവണ്ണം ആലോചിച്ച് എടുക്കുക.

ഇടവം (കാര്‍ത്തിക ¾, രോഹിണി, മകയിരം ½)

ദൈനംദിന കാര്യങ്ങളില്‍ ക്രമീകരണം ആവശ്യമാകും. സഹപ്രവര്‍ത്തകരുമായുള്ള അഭിപ്രായ വ്യത്യാസങ്ങള്‍ സൗമ്യമായി കൈകാര്യം ചെയ്യുക. വീടുമായി ബന്ധപ്പെട്ട ചെലവു വര്‍ധിക്കാം.

മിഥുനം (മകയിരം ½, തിരുവാതിര, പുണര്‍തം ¾)

എഴുത്ത്, ആശയവിനിമയം, അവതരണം എന്നിവയില്‍ കഴിവ് തെളിയിക്കാന്‍ അവസരം ലഭിക്കും. പുതിയ ബന്ധങ്ങള്‍ രൂപപ്പെടാം. വൈകുന്നേര സമയത്ത് മനസ്സിന് ലഘുത്വം അനുഭവപ്പെടും.

കര്‍ക്കടകം (പുണര്‍തം ¼, പൂയം, ആയില്യം)

സ്വത്ത് സംബന്ധമായ ചര്‍ച്ചകള്‍ നടക്കാം.പുണ്യ സ്ഥലങ്ങള്‍ സന്ദര്‍ശിക്കും. കുടുംബത്തില്‍ നിങ്ങളുടെ അഭിപ്രായത്തിന് പ്രാധാന്യം ലഭിക്കും. മക്കളുടെ കാര്യങ്ങള്‍ കൂടുതല്‍ ശ്രദ്ധിക്കുക.

ചിങ്ങം (മകം, പൂരം, ഉത്രം ¼)

സ്വന്തം കഴിവുകള്‍ മറ്റുള്ളവര്‍ അംഗീകരിക്കുന്ന ദിനമാണ്. മറവിയിലായിരുന്ന ഒരു അവസരം വീണ്ടും മുന്നിലെത്തും. കുട്ടികളുമായി ബന്ധപ്പെട്ട കാര്യങ്ങള്‍ സന്തോഷം നല്‍കും.

കന്നി (ഉത്രം ¾, അത്തം, ചിത്തിര ½)

ക്രമവും ശുദ്ധിയും ആവശ്യമായ ജോലികള്‍ വിജയകരമായി പൂര്‍ത്തിയാക്കാന്‍ കഴിയും. ആരോഗ്യപരമായ ചെറിയ ശ്രദ്ധകള്‍ ആവശ്യമായിവരാം. സാമ്പത്തിക പദ്ധതികള്‍ പുനഃപരിശോധിക്കുക.

തുലാം (ചിത്തിര ½, ചോതി, വിശാഖം ¾)

പൊതുവേ ഈശ്വരാനുകൂല്യം ഉള്ള സമയമാണ്. കല, സൗന്ദര്യം, അലങ്കാരം തുടങ്ങിയ മേഖലകളില്‍ ഏര്‍പ്പെടുന്നവര്‍ക്ക് നല്ല ദിനമാണ്. സാമൂഹിക ബന്ധങ്ങള്‍ വ്യാപിക്കും.

വൃശ്ചികം (വിശാഖം ¼, അനിഴം, തൃക്കേട്ട)

രഹസ്യമായ കാര്യങ്ങള്‍ വെളിപ്പെടാന്‍ സാധ്യതയുണ്ട്. വിശ്വാസമുള്ളവരുമായി മാത്രം കാര്യങ്ങള്‍ പങ്കുവെക്കുക. വൈകുന്നേരത്തോടെ മാനസിക സമ്മര്‍ദ്ദം കുറയും. എതിര്‍പ്പുകള്‍ താനേ മാറും.

ധനു (മൂലം, പൂരാടം, ഉത്രാടം ¼)

പുതിയ പഠനങ്ങളിലേക്കോ പരിശീലനങ്ങളിലേക്കോ ശ്രദ്ധ തിരിയും.നിയമപരമായ കാര്യങ്ങളില്‍ പുരോഗതി കാണാം. തനിയെ ദൂരയാത്ര നടത്തും. സുഹൃത്തുക്കളുടെ സഹായം ലഭിക്കും.

മകരം (ഉത്രാടം ¾, തിരുവോണം, അവിട്ടം ½)

സ്ഥിരതയുള്ള മുന്നേറ്റമാണ് ദിവസത്തിന്റെ പ്രത്യേകത. ഉത്തരവാദിത്തങ്ങള്‍ കൂട്ടായാലും നിയന്ത്രണം കൈവിടില്ല. കുടുംബത്തിലെ ഒരാളുടെ നേട്ടം അഭിമാനം നല്‍കും. വസ്തു ഇടപാടു നടക്കും.

കുംഭം (അവിട്ടം ½, ചതയം, പൂരുരുട്ടാതി ¾)

സാങ്കേതിക വിഷയങ്ങളില്‍ താല്‍പ്പര്യം വര്‍ധിക്കും. പുതിയ ഉപകരണങ്ങളോ സംവിധാനങ്ങളോ പരിചയപ്പെടാം. സുഹൃത്തുക്കളുമായി ദീര്‍ഘസംഭാഷണങ്ങള്‍ നടക്കും.

മീനം (പൂരുരുട്ടാതി ¼, ഉത്രട്ടാതി, രേവതി)

മനസ്സിലെ ആശയക്കുഴപ്പങ്ങള്‍ മാറിത്തുടങ്ങും. സേവനപ്രവര്‍ത്തനങ്ങളില്‍ പങ്കെടുക്കാന്‍ അവസരം ലഭിക്കും. വൈകുന്നേരം ആത്മസംതൃപ്തി നല്‍കുന്ന അനുഭവം ഉണ്ടാകും.