പ്രശസ്ത ഭാരതീയ ഗണിത ശാസ്ത്രജ്ഞനായ ശ്രീനിവാസ രാമാനുജന്റെ ജന്മദിനമാണ് ഡിസംബര് 22. ഇത് ദേശീയ ഗണിത ദിനമായി ആചരിക്കുന്നു.
ഡിസംബര് 29 രാവിലെ 6 :30 വരെ മൂലം ഞാറ്റുവേലയാണ്. ചൊവ്വയ്ക്കും ശുക്രനും മൗഢ്യവും വ്യാഴത്തിന് വക്രവും ഉണ്ട്. ഇക്കാലത്ത് പ്രത്യേകിച്ച് 28, 29 തിയതികളില് ചെറിയ ഭൂകമ്പ സാധ്യതകള് കാണുന്നുണ്ട്. ഈ സമയം ന്യൂനമര്ദ്ദ സാധ്യതകളും ഉണ്ട്. ഡിസംബര് 30 രാത്രി 11:43 മുതല് ഡിസംബര് 31 പകല് 10:29 വരെയാണ് പ്രശസ്തമായ സ്വര്ഗ്ഗവാതില് ഏകാദശിയുടെ ഹരിവാസരസമയം. എല്ലാ ഹരിവാസര കാലവും കുട്ടികള്ക്ക് ആദ്യമായി ചോറൂണിന് മുഹൂര്ത്തമില്ലാത്തതു കൂടിയാണ്.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് ഈയാഴ്ച നല്ല സമയമാണ്. വിവാഹാദി മംഗളകര്മ്മങ്ങള്, സഹായികളുടെ വര്ദ്ധന, സാധ്യതയുണ്ട്. ക്രയവിക്രയങ്ങളില് ഗുണാനുഭവങ്ങള്, വാഹന ലാഭം, കൃഷിയില് താല്പര്യം, നാടിന്റെ പുരോഗതിയ്ക്കായുള്ള പ്രവര്ത്തനങ്ങള്, അധികാര ലബ്ധി, ഉദ്ദിഷ്ട കാര്യസിദ്ധി എന്നിവയ്ക്കെല്ലാം യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് ഗുണപ്രദമായ സമയമാണ്. ധനലാഭം, ഭൂസ്വത്ത് ഭാഗം വെയ്ക്കാനിട വരിക, വിദ്യാഗുണം, ഐശ്വര്യം എന്നിവയ്ക്കെല്ലാം യോഗമുണ്ട്. വീഴ്ചയ്ക്കും യോഗമുള്ളതിനാല് ശ്രദ്ധിച്ച് പ്രവര്ത്തിയ്ക്കേണ്ട സമയമാണ്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് ഈശ്വരാധീനമുള്ള സമയമാണിത്. വിദ്യകൊണ്ട് പ്രശസ്തി, വേദാന്താദി ശാസ്ത്ര ഗ്രന്ഥങ്ങളില് താല്പര്യം, ഗവേഷണങ്ങളിലേര്പ്പെട്ടവര്ക്ക് പലതരത്തില് ഗുണാനുഭവങ്ങള്, സമ്പദ് സമൃദ്ധി എന്നിവയെക്കല്ലാം യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് അല്പം ഈശ്വരാധീനക്കുറവുള്ള കാലമാണ്. അതിനാല് അനാവശ്യ കാര്യങ്ങളില് ഇടപെടാതിരിയ്ക്കാന് പ്രത്യേകം ശ്രദ്ധിയ്ക്കണം. കാര്യതാമസമുണ്ടാവുമെങ്കിലും അന്തിമ വിജയത്തിനും, ഗൃഹനിര്മ്മാണത്തിനും, വിവാഹാദി കാര്യങ്ങള്ക്കും സന്താന ഗുണത്തിനും പ്രശസ്തിയ്ക്കും കൂടി യോഗമുള്ള സമയമാണ്.
മകം, പൂരം, ഉത്രം 1-ാം പാദം
ഇവര്ക്ക് സാമ്പത്തികാഭിവൃദ്ധിയ്ക്ക് യോഗമുണ്ട്. സാഹിത്യ സാംസ്ക്കാരിക രംഗത്തുള്ളവര്ക്കും, വിദ്യാര്ത്ഥികള്ക്കും ഗവേഷകര്ക്കും ധാരാളം ഗുണാനുഭവങ്ങള്ക്ക് യോഗമുണ്ട്. ഉദ്ദിഷ്ടകാര്യസിദ്ധി, ധനലാഭം, ഭൂമീലാഭം, ഐശ്വര്യം, പ്രതാപം, നാല്ക്കാലി വര്ദ്ധനം, ക്രയവിക്രയങ്ങളില് ലാഭം എന്നിവയ്ക്കും യോഗം കാണുന്നുണ്ട്.
ഉത്രം 2, 3, 4 പാദങ്ങള്, അത്തം, ചിത്ര 1, 2, പാദങ്ങള്
ഈ നക്ഷത്രക്കാര്ക്ക് പൊതുവെ ഗുണഫലങ്ങള്ക്ക് സാധ്യതയേറെയുള്ള സമയമാണ്. കലാ സാഹിത്യ സിനിമാ രംഗത്തുള്ളവര്ക്കും ഗൃഹാരംഭത്തിന് ശ്രമിക്കുന്നവര്ക്കും നല്ല സമയമാണ്.
വിദ്യാര്ത്ഥികള്ക്കും ഗവേഷകര്ക്കും ഇക്കാലം വളരെ നല്ല സമയമാണ്. ജലാശയ നിര്മ്മാണം, മാലിന്യ പരിപാലന പ്രവര്ത്തനങ്ങള് എന്നിവയില് എര്പ്പെടുന്നവര്ക്ക് വേണ്ട ഫലം ലഭിക്കുന്ന കാലമാണ്.
ചിത്ര 3, 4 പാദങ്ങള്, ചോതി, വിശാഖം 1, 2, 3 പാദങ്ങള്
ഇവര്ക്ക് ഈ സമയം വളരെ നല്ലതാണ്. കാര്യജയം, സൗഭാഗ്യം, ഉന്നതാധികാര പ്രാപ്തി, ധനാഗമനം, വിദ്യാഗുണം, വിവാഹം, വിദേശവാസ യോഗം എന്നിവയ്ക്ക് യോഗമുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
കാര്യങ്ങള്ക്കെല്ലാം തടസ്സങ്ങള്ക്ക് സാധ്യതയുണ്ട് എങ്കിലും ഉണര്ന്ന് പ്രവര്ത്തിച്ചാല് വിജയിക്കുന്നതാണ്. അകാരണമായ അലസത, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവയ്ക്കും യോഗമുണ്ട്. അലസത മാറ്റി പ്രവര്ത്തിച്ചാല് ധാരാളം ഗുണഫലങ്ങള് അനുഭവപ്പെടാനും യോഗമുണ്ട്.
മൂലം, പൂരാടം, ഉത്രാടം 1-ാം പാദം
ഇവര്ക്ക് ഇക്കാലം വളരെ നല്ല സമയമാണ്. ഏറ്റെടുക്കുന്ന പ്രവൃത്തികള്ക്കെല്ലാം പൂര്ണ്ണത വരുന്ന സമയമാണ്. ഗണിത ഗവേഷണങ്ങളില് ഗുണാനുഭവങ്ങള്, സിനിമാ മേഖലയില് പ്രശസ്തി, വിദ്യാഗുണം, കുടുംബ സുഖം, സ്ഥാനമാനങ്ങള് എന്നിവയ്ക്കും യോഗമുണ്ട്. സംഗീത സാഹിത്യ കലാ സിനിമ മുതലായ മേഖലകളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ്. ആത്മാര്ത്ഥമായി പ്രവര്ത്തിച്ചാല് വന് മാറ്റങ്ങള്ക്ക് സാധ്യതയുണ്ട്.
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഇവര്ക്ക് അല്പം ഈശ്വരാധീനക്കുറവ് അനുഭവപ്പെടുന്ന സമയമാണിത്. ഗുണാനുഭവങ്ങള്ക്ക് കാലതാമസം, അനാവശ്യ ചെലവുകള്, കലഹ സാധ്യതകള് എന്നിവയ്ക്ക് സാധ്യത കാണുന്നതിനാല് എല്ലാ കാര്യങ്ങളിലും വെറുതെ ഇടപെടുന്നത് ഒഴിവാക്കണം.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് പ്രായേണ ഗുണാനുഭവങ്ങള്ക്ക് സാധ്യതയുള്ള സമയമാണ്. കൃഷിയില് ലാഭം, സമൂഹത്തില് മാന്യത, ധര്മ്മാനുഷ്ഠാനതല്പരത, ക്രയവിക്രയങ്ങളില് ലാഭം, സഹായികളുടെ വര്ദ്ധന, സുഖസമൃദ്ധമായ ജീവിതം എന്നിവയ്ക്കെല്ലാംയോഗമുണ്ട്. കലാ സാഹിത്യാദി രംഗത്ത് പ്രവര്ത്തിക്കുന്നവര്ക്ക് പ്രശസ്തിയ്ക്ക് സാധ്യത ഉണ്ട്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഇവര്ക്ക് ഇക്കാലം താരതമ്യേന നല്ലതാണ്. മന:സന്തോഷം, കാര്യജയം, പ്രശസ്തി എന്നിവയ്ക്കും യോഗമുണ്ട്. ആത്മാര്ത്ഥമായി പ്രവര്ത്തിച്ചാല് വന് മാറ്റങ്ങള്ക്ക് യോഗമുള്ള സമയമാണ്. മുറിവേല്ക്കാനിടവരുക, അവിചാരിതമായ നാശനഷ്ടങ്ങള് എന്നിവയ്ക്കും യോഗമുള്ളതിനാല് ശ്രദ്ധിച്ച് പ്രവര്ത്തിക്കേണ്ട സമയം കൂടിയാണ്.
Weekly horoscope and astrology prediction for Dec 22 -28
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
