ചൊവ്വയ്ക്കും ബുധനും ശുക്രനും ഈ ആഴ്ചയും മൗഢ്യമുണ്ട്. വ്യാഴത്തിന് വക്രവും. സാധാരണ ബുധ ശുക്രയോഗങ്ങള് ന്യൂനമര്ദ്ദങ്ങളുടെ സാധ്യത പറയുമെങ്കിലും ബുധ ശുക്രമൗഢ്യം തുടരുന്നത് മഴയുടെ സാധ്യത കുറയ്ക്കുന്ന ലക്ഷണമാണ്.
ജനുവരി 24 ന് രാവിലെ 10:51 മുതല് തിരുവോണം ഞാറ്റുവേല ആരംഭിക്കും. അതുവരെ ഉത്രാടം ഞാറ്റുവേലയുണ്ട്. മത്ത, കുമ്പളം, വെള്ളരി, പയര്, ചീര മുതലായ പച്ചക്കറി കൃഷി തുടങ്ങേണ്ട സമയമിതാണ്. വാത ഹരങ്ങളായ തൈലങ്ങളെ കൊണ്ട് ദേഹത്ത് പുരട്ടിയും തലയിലും എണ്ണ തേച്ചും കുളിക്കേണ്ട സമയമാണിത്.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് ഈയാഴ്ച ഗുണദോഷസമ്മിശ്ര സമയമാണിത്.
അലസത, പാദരോഗങ്ങള്, ചെലവുകള്, തസ്കര ശല്യം എന്നിവയ്ക്ക് സാധ്യതയുണ്ട്. സുഹൃത്തുക്കളുടെ സഹായങ്ങള്ക്കും വിവാഹാലോചനകള്ക്കും, ഉദ്ദിഷ്ട സ്ഥാനലബ്ധിക്കും യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് ഈ സമയം വളരെ ഗുണകരമാണ്. ഭാഗ്യം, ബുദ്ധിസാമര്ത്ഥ്യം, പ്രശസ്തി, ധനാഗമനം, ഭൂസ്വത്ത് ഭാഗം വെയ്ക്കാനിട വരിക, ഭവന മാറ്റം എന്നിവയ്ക്കെല്ലാം യോഗമുണ്ട്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് ഗുണദോഷമിശ്രമായ സമയമാണിത്. അലസത, വീഴ്ച, ശരീരത്തില് മുറിവേല്ക്കാനിട വരിക, പ്രശസ്തി, സമ്പദ് സമൃദ്ധി, അധികാര പ്രാപ്തി, മുതലായവയ്ക്കും യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് പൊതുവെ ഗുണദോഷമിശ്രമായ സമയമാണ്. പൊതുപ്രവര്ത്തന രംഗത്ത് വിരാജിക്കുന്നവര്ക്ക് പലതരത്തില് ചെലവുകള്ക്ക് സാധ്യതയുണ്ട്,
സാഹിത്യകാര്യങ്ങളില് താല്പര്യം, സമൂഹത്തിന്റെ വിവിധ പ്രശ്നങ്ങളില് ഇടപെടാനും പ്രശ്നങ്ങള് പരിഹരിക്കാനും അവസരം എന്നിവയ്ക്കെല്ലാം സാധ്യതയുള്ള സമയമാണ്.
മകം, പൂരം, ഉത്രം 1-ാം പാദം
ഇവര്ക്ക് പൊതുവെ ഈശ്വരാധീനമുള്ള സമയമാണിത്. ശരീരത്തില് മുറിവുകള്, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവ ശ്രദ്ധിയ്ക്കണം.
ഉത്രം 2, 3, 4 പാദങ്ങള്, അത്തം, ചിത്ര 1, 2, പാദങ്ങള്
ഈ നക്ഷത്രക്കാര്ക്ക് ഈയാഴ്ച ഗുണപ്രദമായ സമയമാണ്. നൂതന സ്ഥാനലബ്ധി, വിവാഹാദി മംഗളകര്മ്മങ്ങള്ക്ക് അവസരം എന്നിവയ്ക്കും ക്രയവിക്രയങ്ങളില് താല്പര്യങ്ങള്ക്കും യോഗം കാണുന്നുണ്ട്.
വിദ്യാര്ത്ഥികള്ക്കും അധ്യാപകര്ക്കും, ഗവേഷകര്ക്കും വളരെ നല്ല സമയമാണ് ഇത്.
ചിത്ര 3, 4 പാദങ്ങള്, ചോതി, വിശാഖം 1, 2, 3 നക്ഷത്രപാദങ്ങള്
ഈ നക്ഷത്രത്തില് പെട്ടവര്ക്ക് ഈ സമയം ഗുണകരമാണ്. കഠിനാധ്വാനത്തിനനുസൃതമായ ഗുണഫലം ലഭിക്കുന്ന കാലമാണിത്. സൗഭാഗ്യം, അധികാര ലബ്ധി വിദ്യാഗുണം, വിദേശവാസം എന്നിവയ്ക്കും സാധ്യതയുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
ഈ 'നക്ഷത്രക്കാര്ക്ക് ഇക്കാലം ഗുണകരമല്ല. അകാരണഭയം, മാനനഷ്ടങ്ങള് , ക്രയവിക്രയങ്ങളില് നഷ്ടം, അലസത എന്നിവയ്ക്ക് സാധ്യതയുണ്ട്.
അനാവശ്യമായ കാര്യങ്ങളില് ഇടപെടാതിരിയ്ക്കാന് പ്രത്യേകം ശ്രദ്ധിയ്ക്കണം.
മൂലം, പൂരാടം, ഉത്രാടം 1-ാം പാദം
ഈ നക്ഷത്രത്തില് ജനിച്ചവര്ക്ക് നല്ല ഈശ്വരാധീനമുള്ള സമയമാണ് ഇത്. സംഗീത സാഹിത്യ കലാ സിനിമ രാഷ്ട്രീയ പ്രവര്ത്തനങ്ങളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ് . അധ്യാപന ഗവേഷണ രംഗങ്ങളിലുള്ളവര്ക്കും ഗുണകരമാണ്. കലഹ സാധ്യതകള് തന്ത്രപൂര്വം ഒഴിവാക്കാന് ശ്രമിക്കേണ്ടതാണ്.
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഈ നക്ഷത്രക്കാര്ക്ക് ഗുണദോഷസമ്മിശ്ര കാലമാണ്. എന്നാലും കഠിന പ്രയത്നത്തിന് തക്കതായ ഫലം കിട്ടുന്നതാണ്. കഴിവു തെളിയിക്കാന് പറ്റുന്ന അവസരങ്ങള്, തോട്ടങ്ങളില് നിന്നും ക്രയവിക്രയങ്ങളിലൂടെയും ധനലാഭം, സഹായികളുടെ വര്ദ്ധന എന്നിവയ്ക്കും യോഗമുണ്ട്.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് ഇത് ഗുണദോഷമിശ്രമായ സമയമാണ്. അവിചാരിതമായ ചെലവുകള്, തീപ്പൊള്ളലേല്ക്കാനിട വരിക, പ്രശസ്തി, സഹായികളുടെ വര്ദ്ധന എന്നിവയ്ക്കെല്ലാം യോഗമുണ്ട്. വേദാന്താദി ശാസ്ത്രങ്ങളില് താല്പര്യത്തിനും യോഗമുണ്ട്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഇവര്ക്ക് ഇക്കാലം ഗുണകരമാണ്. ഉദ്ദിഷ്ട കാര്യസിദ്ധി, രാജ്യഭരണ കര്ത്താക്കളുടെ സമ്മാനം, വസ്ത്രാഭരണ ലബ്ധി, ഉന്നത സ്ഥാനമാന പ്രാപ്തി, ദേശ പുരോഗതിക്കായുള്ള പ്രവര്ത്തനങ്ങള്ക്ക് നേതൃത്വം വഹിക്കേണ്ടി വരിക എന്നിവയ്ക്കും യോഗമുണ്ട്. അനാവശ്യ ചെലവുകള്, അലസത, ഉദരരോഗങ്ങള്, പാദരോഗ സാധ്യതകള് എന്നിവയ്ക്കും യോഗമുള്ളതിനാല് ശ്രദ്ധിക്കേണ്ടതാണ്.
Weekly horoscope and astrology prediction for Jan 19-25
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
