ഒക്ടോബര്‍ 24 പകല്‍ 6.40ന് ചോതി ഞാറ്റുവേല ആരംഭിയ്ക്കും. നിലവില്‍ ശുക്രന്‍ ജലരാശിയായ കന്നിയില്‍ തുടരുന്നത് മഴയുടെ സൂചന തന്നെയാണ്. ബുധനും ശുക്രനും രണ്ടു രാശികളിലായതും ബുധനും ചൊവ്വയും ഒരു രാശിയില്‍ നില്‍ക്കുന്നതും ഇടിയുടെ സാധ്യത കാണിയ്ക്കുന്നതാണ്. ഒക്ടോബര്‍ 24 ന് ബുധന്‍ വൃശ്ചിക രാശിയിലേയ്ക്കും ഒക്ടോബര്‍ 27 ന് ചൊവ്വ വൃശ്ചിക രാശിയിലേയ്ക്കും മാറും.
അശ്വതി, ഭരണി, കാര്‍ത്തിക 1-ാം പാദം
ഈ നക്ഷത്രങ്ങളില്‍ ജനിച്ചവര്‍ക്ക് വ്യാഴം കര്‍ക്കിടക രാശിയിലേയ്ക്ക് പ്രവേശിച്ചതിനാല്‍ കുറച്ചു കൂടി നല്ല സമയമാണ്. ഭവന നിര്‍മ്മാണ പ്രവര്‍ത്തനങ്ങള്‍, കൃഷിയില്‍ താല്പര്യം, അധികാര ലബ്ധി, വാഹന ലാഭം, ജലാശയങ്ങളുടെ ശുചീകരണ പ്രവര്‍ത്തനങ്ങള്‍ക്ക് നേതൃത്വം വഹിക്കാനിടവരിക എന്നിവയ്ക്കെല്ലാം യോഗമുണ്ട്.
കാര്‍ത്തിക 2, 3, 4 പാദങ്ങള്‍, രോഹിണി, മകയിരം 1, 2 പാദങ്ങള്‍
ഈ നക്ഷത്രക്കാര്‍ക്ക് സഹായികളുടെ വര്‍ദ്ധന, സഹോദരന്മാര്‍ക്ക് ഗുണം, പ്രശസ്തി, ശില്പ നിര്‍മ്മാണാദികളില്‍ നൈപുണ്യം, വിദ്യാഗുണം എന്നിവയ്ക്കെല്ലാം യോഗമുണ്ട്.
മകീരം 3, 4 പാദങ്ങള്‍, തിരുവാതിര, പുണര്‍തം 1, 2, 3 പാദങ്ങള്‍
ഈ നക്ഷത്രത്തില്‍ ജനിച്ചവര്‍ക്ക് പൊതുവെ ഈശ്വരാധീനമുള്ള സമയമാണ്. ധനലാഭം, വാഗൈ്വഭവം, ക്രയവിക്രയങ്ങളില്‍ താല്പര്യം, ഉന്നത സ്ഥാനമാനങ്ങള്‍, ഉദ്ദിഷ്ട കാര്യസിദ്ധി, കുടുംബ സുഖം, വിദ്യാര്‍ത്ഥികള്‍ക്കും ഗവേഷണപ്രവര്‍ത്തനങ്ങളിലേര്‍പ്പെട്ടിരിക്കുന്നവര്‍ക്കും ഗുണാനുഭവങ്ങള്‍ എന്നിവയ്ക്കും യോഗമുണ്ട്.
പുണര്‍തം 4-ാം പാദം, പൂയം, ആയില്യം നക്ഷത്രങ്ങള്‍
പ്രായേണ ഈശ്വരാധീനമുള്ള സമയമാണ്. ഭൂമീ സംബന്ധമായി തര്‍ക്കങ്ങള്‍ക്കും അനാവശ്യ ചെലവുകള്‍ക്കും ചതിയേല്‍ക്കാനും സാധ്യതയുള്ളതിനാല്‍ വളരെ ആലോചിച്ച് പ്രവര്‍ത്തിയ്ക്കണം.
മകം, പൂരം, ഉത്രം 1-ാം പാദം
ഇവര്‍ക്ക് അല്പം ഈശ്വരാധീനക്കുറവുള്ള സമയമാണ്. അകാരണഭയം, തീപ്പൊള്ളലേല്‍ക്കാനിടവരിക, നാല്‍ക്കാലികളില്‍ നിന്ന് ഉപദ്രവം എന്നിവയ്ക്ക് യോഗമുണ്ട്. അനാവശ്യ കാര്യങ്ങളില്‍ ഇടപെടാതിരിയ്ക്കാന്‍ ശ്രദ്ധിയ്ക്കണം.
ഉത്രം 2, 3, 4 പാദങ്ങള്‍, അത്തം, ചിത്തിര 1, 2, പാദങ്ങള്‍
ഈ നക്ഷത്രത്തില്‍ ജനിച്ചവര്‍ക്ക് പൊതുവെ നല്ല സമയമാണ്. പുണ്യതീര്‍ത്ഥ സ്‌നാനാദി ഗുണം, ഉദ്ദിഷ്ടകാര്യസിദ്ധി, ധനലാഭം, ഭൂമീലാഭം, എന്നിവയ്ക്കും യോഗം കാണുന്നുണ്ട്. വിവാഹാദിമംഗള കര്‍മ്മങ്ങള്‍ക്കും ഗൃഹാരംഭപ്രവര്‍ത്തനങ്ങള്‍ക്കും നല്ല സമയമാണ്. വിദ്യാര്‍ഥികള്‍ക്കും ഗവേഷകര്‍ക്കും വളരെ നല്ല സമയമാണ്. സ്വന്തം പരിശ്രമങ്ങള്‍ക്ക് ഫലം ലഭിക്കുന്ന കാലമാണ്. ക്രയവിക്രയാദികള്‍ക്കും ഗുണകരം.
ചിത്തിര 3, 4 പാദങ്ങള്‍, ചോതി, വിശാഖം 1, 2, 3 നക്ഷത്രപാദങ്ങള്‍
ഈ നാളുകാര്‍ക്ക് പ്രായേണ നല്ല സമയമാണ്. അധികാര പ്രാപ്തി, ഉദ്ദിഷ്ടകാര്യസിദ്ധി, പ്രശസ്തി, ധനാഗമനം, വിദ്യാഗുണം, വിവാഹം, വിദേശവാസ യോഗം എന്നിവയ്ക്ക് യോഗമുള്ള സമയമാണ്. അകാരണഭയം, വീഴ്ച എന്നിവയ്ക്കും യോഗമുണ്ട്.
വിശാഖം 4-ാം പാദം, അനിഴം, തൃക്കേട്ട
ഇവര്‍ക്ക് പൊതുവെ നല്ല ഭാഗ്യമുള്ള സമയമാണ്. നിറവേറാതെ കിടക്കുന്ന പ്രവൃത്തികള്‍ക്കെല്ലാം പൂര്‍ണ്ണത വരുന്ന സമയമാണ്. അലസത മൂലം കാര്യവിഘ്‌നം അനുഭവപ്പെടാനും യോഗമുണ്ട്.
മൂലം, പൂരാടം, ഉത്രാടം 1-ാം പാദം
ഇവര്‍ക്ക് അല്പം ഈശ്വരാധീനക്കുറവുള്ള സമയമാണ്. സംഗീത സാഹിത്യ കലാ സിനിമ മുതലായ മേഖലകളില്‍ പ്രവര്‍ത്തിക്കുന്നവര്‍ക്കും ശോഭിക്കാന്‍ പറ്റിയ സമയമാണ്. വിദേശയാത്രയ്ക്ക് ശ്രമിക്കുന്നവര്‍ക്ക് അതിന് സാധ്യതയുള്ള സമയമാണ്.
ഉത്രാടം 2, 3, 4 പാദങ്ങള്‍, തിരുവോണം, അവിട്ടം 1, 2 പാദങ്ങള്‍
ഈ നക്ഷത്രക്കാര്‍ക്ക് ഉദ്ദിഷ്ട കാര്യ സിദ്ധി, കൃഷിയില്‍ ലാഭം, ക്രയവിക്രയങ്ങളില്‍ ഗുണാനുഭവങ്ങള്‍ എന്നിവയ്ക്ക് യോഗമുണ്ട്. നാല്‍ക്കാലികളില്‍ നിന്ന് ഉപദ്രവം, ശരീരത്തില്‍ മുറിവേല്‍ക്കാനിടവരിക, അവിചാരിതമായ നാശനഷ്ടങ്ങള്‍ എന്നിവയ്ക്കും യോഗമുള്ളതിനാല്‍ ശ്രദ്ധിച്ച് പ്രവര്‍ത്തിക്കേണ്ടതാണ്.
അവിട്ടം 3, 4 പാദങ്ങള്‍, ചതയം, പൂരോരുട്ടാതി 1, 2, 3 പാദങ്ങള്‍
ഈ നക്ഷത്രക്കാര്‍ക്ക് അല്പം ഈശ്വരാധീനക്കുറവ് അനുഭവപ്പെടുന്ന സമയമാണ്. കലാരംഗത്ത് പ്രശസ്തി, സ്ഥാനമാനങ്ങള്‍ എന്നിവയ്ക്കെല്ലാം സാധ്യത ഉണ്ട്. ചെവിയ്ക്കും കണ്ണിനും അസുഖ സാധ്യതയും കഫശല്യ സാധ്യതകളും കാണുന്നുണ്ട്.
പൂരോരുട്ടാതി 4-ാം പാദം, ഉത്രട്ടാതി, രേവതി
ഇവര്‍ക്ക് താരതമ്യേന ഈശ്വരാധീനമുള്ള സമയമാണ്. കുടുംബത്തില്‍ വിവാഹാദി മംഗളകര്‍മ്മങ്ങള്‍ക്ക് നേതൃത്വം കൊടുക്കാനിടവരിക എന്നിവയ്ക്കും യോഗമുണ്ട്. അലസതയ്ക്ക് സാധ്യത കാണുന്നതിനാല്‍ ഉണര്‍ന്ന് പ്രവര്‍ത്തിയ്‌ക്കേണ്ട സമയമാണ്. കാലിന് അസുഖം, അനാവശ്യ ചെലവുകള്‍, വീഴ്ച എന്നിവയ്ക്കും യോഗമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
