ഈ നക്ഷത്രക്കാര്ക്ക് വിവാഹം, ഉദ്യോഗലബ്ധി; മുറിവേല്ക്കാന് സാധ്യത
ഡിസംബര് 17ന് പുലര്ച്ചെ 4:20ന് മൂലം ഞാറ്റുവേല ആരംഭിയ്ക്കും. പാടത്ത് നെല്ല് കൊയ്യാറാവുന്ന സമയമാണിത്. പാടത്ത് ഉഴുന്ന്, മുതിര, ചെറുപയര്, എള്ള്, പയര് എന്നിവ ഇക്കാലത്ത് വിതയ്ക്കാറുണ്ട്. പച്ചക്കറി കൃഷി തുടങ്ങാവുന്ന സമയവും ഇതാണ്. തെങ്ങ്, കവുങ്ങ് തുടങ്ങിയവയ്ക്ക് നനയ്ക്കാന് തുടങ്ങേണ്ട സമയവും ഇതു തന്നെയാണ്. കൂവ, ഇഞ്ചി, മഞ്ഞള്, കാവിത്ത് , ചേമ്പ് തുടങ്ങിയവ പറിച്ചെടുക്കാവുന്ന സമയവുമാണിത്.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് ഗുണദോഷമിശ്ര സമയമാണ്. അവിചാരിതമായ ചെലവുകള്, വീഴ്ച, മുറിവേല്ക്കാനിട വരിക എന്നിവയ്ക്കും, കൃഷി കാര്യങ്ങളില് ഗുണാനുഭവങ്ങള്, സുഹൃത്തുക്കളുടെ സഹായം, അധികാര ലബ്ധി, ഉദ്ദിഷ്ട കാര്യസിദ്ധി, എന്നിവയ്ക്കും യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് ഇക്കാലം വളരെ ഗുണകരമാണ്. കുടുംബത്തില് ഐക്യത, ബന്ധു ഗുണം, ഭവന മാറ്റം, വിദ്യ കൊണ്ട് നൂതനാശയങ്ങള്, സാങ്കേതിക വിദ്യകളില് താല്പര്യം, ധനാഗമനം, ഭൂമീലാഭം, ഉദ്യോഗലബ്ധി എന്നിവയ്ക്കെല്ലാം യോഗമുണ്ട്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് പ്രായേണ നല്ല കാലമാണിത്. വേദാന്ത പുരാണാദി ശാസ്ത്രപഠനങ്ങളിലേര്പ്പെട്ടവര്ക്ക് ഗുണാനുഭവങ്ങള്, അധികാര പ്രാപ്തി എന്നിവയെക്കല്ലാം യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് ഈ സമയം ഗുണദോഷമിശ്രമാണ്. വാഹന ലാഭം, ഗൃഹനിര്മ്മാണം, സാഹിത്യകൃതികളില് താല്പര്യം എന്നിവയ്ക്കെല്ലാം യോഗമുള്ള സമയമാണ്.
മകം, പൂരം, ഉത്രം 1-ാം പാദം
ദേശ പുരോഗതിയ്ക്കായുള്ള പ്രവര്ത്തനങ്ങളില് വ്യാപരിയ്ക്കാനിട വരിക, കലാ കായിക രംഗത്ത് പ്രവര്ത്തനം, അലസത എന്നിവയ്ക്കെല്ലാം യോഗമുണ്ട്. എന്നാലും ഉണര്ന്ന് പ്രവര്ത്തിച്ചാല് വിജയിക്കുന്ന സമയം തന്നെയാണ്. കൂടാതെ വീഴ്ച, ശരീരത്തില് മുറിവുകള്, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവയ്ക്കും യോഗമുണ്ട്.
ഉത്രം 2, 3, 4 പാദങ്ങള്, അത്തം, ചിത്തിര 1, 2, പാദങ്ങള്
ഈ നക്ഷത്രക്കാര്ക്ക് പൊതുവെ ഈ ആഴ്ച ഗുണകരമാണ്. ഉദ്യോഗത്തില് ഉയര്ച്ച, വിദ്വദ് പ്രശംസ, അധികാര പ്രാപ്തി, എന്നിവയ്ക്കും ക്രയവിക്രയങ്ങളില് നഷ്ടങ്ങള്ക്കും യോഗം കാണുന്നുണ്ട്. വിദ്യാര്ത്ഥികള്ക്കും ഗവേഷകര്ക്കും ഇക്കാലം വളരെ നല്ല സമയമാണ്.
ചിത്തിര 3, 4 പാദങ്ങള്, ചോതി, വിശാഖം 1, 2, 3 നക്ഷത്രപാദങ്ങള്
ഈ നക്ഷത്രത്തില് പെട്ടവര്ക്ക് ഈ സമയം പ്രായേണ ഗുണകരമാണ്. ഭാഗ്യം, അധികാര ലബ്ധി, വിദ്യാഗുണം, വിവാഹം, വിദേശവാസ യോഗം, സന്താന ഗുണം എന്നിവയ്ക്കും യോഗമുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
ഈ നക്ഷത്രക്കാര്ക്ക് ഇക്കാലം അല്പം ഈശ്വരാധീനക്കുറവുള്ള സമയമാണ്. എല്ലാ കാര്യങ്ങളിലും ഇടപെടാതിരിയ്ക്കാന് പ്രത്യേകം ശ്രദ്ധിയ്ക്കണം.അലസത മാറ്റി പ്രവര്ത്തിച്ചാല് സ്ഥാനമാനാദി ഗുണഫലങ്ങള് അനുഭവപ്പെടാന് സാധ്യതയുണ്ട്.
മൂലം, പൂരാടം, ഉത്രാടം 1-ാം പാദം
ഇവര്ക്ക് ഈയാഴ്ച ഈശ്വരാധീനമുള്ള സമയമാണ്. ഗുണാനുഭവങ്ങള്ക്ക് കാലതാമസം വരുമെങ്കിലും സാഹിത്യ, സിനിമ മേഖലകളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ്.
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഇവര്ക്ക് താരതമ്യേന ഗുണദോഷ സമ്മിശ്രാനുഭവങ്ങള്ക്ക് സാധ്യതയുള്ള സമയമാണ് എങ്കിലും കഠിന പ്രയത്നത്തിന് ഫലം കിട്ടുന്നതാണ്. ക്രയവിക്രയങ്ങളില് ലാഭം, സഹായികളുടെ വര്ദ്ധന, സുഖസമൃദ്ധമായ ജീവിതം എന്നിവയ്ക്കെല്ലാം യോഗമുണ്ട്. എന്നിരുന്നാലും ചെവിയ്ക്ക് അസുഖസാധ്യതകള്, ചതിയേല്ക്കാനിട വരിക, ശരീരത്തില് മുറിവേല്ക്കാനിട വരിക, അവിചാരിതമായ നാശനഷ്ടങ്ങള് എന്നിവയ്ക്കും യോഗമുണ്ടെന്നറിഞ്ഞ് ശ്രദ്ധിച്ച് പ്രവര്ത്തിക്കേണ്ട സമയം കൂടിയാണ്.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് അല്പം നല്ല സമയമാണിത്. സന്താനങ്ങള്ക്ക് അഭിവൃദ്ധി, ഉദ്ദിഷ്ട കാര്യ സിദ്ധി, അധികാര പ്രാപ്തി, പ്രശസ്തി എന്നിവയ്ക്കെല്ലാം യോഗമുണ്ട്. അലസ പ്രകൃതി മാറ്റി ഉണര്ന്ന് പ്രവര്ത്തിയ്ക്കേണ്ട സമയം കൂടിയാണ്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഇവര്ക്ക് ഇക്കാലം പൊതുവെ ഗുണകരമാണ്. കുടുംബൈശ്വര്യം, വസ്ത്രാഭരണ സിദ്ധി, പ്രാപ്തി, കാര്യജയം, ദേശ നന്മയ്ക്കുള്ള പ്രവര്ത്തനങ്ങള്ക്ക് നേതൃത്വം കൊടുക്കല് എന്നിവയ്ക്കും യോഗമുണ്ട്. അനാവശ്യ ചെലവുകള്, അലസത, ഉദരരോഗ, പാദരോഗ സാധ്യതകള്, അലര്ജി മൂലം അസുഖങ്ങള് എന്നിവയ്ക്കും യോഗമുള്ളതിനാല് ശ്രദ്ധിക്കേണ്ടതാണ്
Weekly horoscope and astrology prediction for Dec 15 - 21
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
