ഈ നക്ഷത്രക്കാര്ക്ക് അധികാര ലബ്ധി, ഉദ്യോഗ നേട്ടം; ക്രയവിക്രയങ്ങളില് നഷ്ട സാധ്യത
ഡിസംബര് 3ന് പകല് 1:16 ന് തൃക്കേട്ട ഞാറ്റുവേല ആരംഭിച്ചു. പുഞ്ചകൃഷിക്ക് ഉത്തമമായ സമയമാണെങ്കിലും നെല്ലില് ചാഴി ശല്യമുണ്ടാവുന്ന കാലമായതിനാന് വിവിധ കീട നിയന്ത്രണമാര്ഗ്ഗങ്ങള് ആലോചിക്കേണ്ട സമയം കൂടിയാണ്. ഡിസംബര് 20 വരെ ബുധ ശുക്രയോഗം നിലനില്ക്കുന്നത് ന്യൂനമര്ദ്ദ സാധ്യതകള് പറയാവുന്ന ഗ്രഹ ഘടനയാണ്. ഡിസംബര് 12 നാണ് പ്രസിദ്ധമായ വൈക്കത്ത് അഷ്ടമി. 14 ന് നാരായണീയ ദിനമാണ്. ഡിസംബര് 15 പ്രസിദ്ധമായ തൃപ്രയാര് ഏകാദശിയാണ്.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് ഗുണദോഷമിശ്രമായ സമയമാണ്. അനാവശ്യമായ ചെലവുകള്ക്ക് സാധ്യതയേറും, കൃഷി കാര്യങ്ങളില് ഗുണാനുഭവങ്ങള്ക്ക് സാധ്യതയുണ്ട്, അധികാര ലബ്ധി, ഉദ്ദിഷ്ട കാര്യസിദ്ധി, സഹായികളുടെ വര്ദ്ധന എന്നിവയ്ക്കെല്ലാം യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് ഈ സമയം വളരെ ഗുണകരമാണ്. കുടുംബത്തില് മംഗളകര്മ്മങ്ങള്ക്ക് നേതൃത്വം വഹിക്കാനിടവരുക, ഭവന മാറ്റം, വിദ്യ കൊണ്ട് യശസ്സ്, നൂതന സാങ്കേതിക വിദ്യകളില് താല്പര്യം, 'ധനാഗമനം, ഉദ്യോഗലബ്ധി എന്നിവയ്ക്കെല്ലാം യോഗമുണ്ട്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് ഈശ്വരാധീനമുള്ള കാലമാണിത്. വേദാന്താദി ശാസ്ത്രപഠനങ്ങളിലേര്പ്പെട്ടവര്ക്ക് ഗുണാനുഭവങ്ങള്, സമ്പദ് സമൃദ്ധി, അധികാര പ്രാപ്തി എന്നിവയെക്കല്ലാം യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് ഗുണദോഷമിശ്ര സമയമാണ്. പൊതുപ്രവര്ത്തന രംഗത്ത് പ്രവര്ത്തിക്കുന്നവര്ക്ക് പലതരത്തില് ചെലവുകള്ക്ക് സാധ്യതയുണ്ട്, വാഹന ലാഭം, ഗൃഹനിര്മ്മാണം, സാഹിത്യകൃതികളില് താല്പര്യം എന്നിവയ്ക്കെല്ലാം യോഗമുള്ള സമയമാണ്.
മകം, പൂരം, ഉത്രം 1-ാം പാദം
ദേശ പുരോഗതിക്കായുള്ള പ്രവര്ത്തനങ്ങളില് താല്പര്യം, കലാ കായിക രംഗത്ത് പ്രവര്ത്തനം, അലസത എന്നിവയ്ക്കെല്ലാം യോഗമുണ്ട്. എന്നാലും ഉണര്ന്ന് പ്രവര്ത്തിച്ചാല് വിജയിക്കുന്ന സമയം തന്നെയാണ്. കൂടാതെ വീഴ്ച, ശരീരത്തില് മുറിവുകള്, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവയ്ക്കും യോഗമുണ്ട്.
ഉത്രം 2, 3, 4 പാദങ്ങള്, അത്തം, ചിത്ര 1, 2, പാദങ്ങള്
ഈ നക്ഷത്രക്കാര്ക്ക് ഇക്കാലം പൊതുവെ ഗുണകരമാണ്. ഉദ്യോഗത്തില് ഉയര്ച്ച, വിദ്വദ് പ്രശംസ, അധികാരലബ്ധി എന്നിവയ്ക്കും ക്രയവിക്രയങ്ങളില് നഷ്ടങ്ങള്ക്കും യോഗം കാണുന്നുണ്ട്. വിദ്യാര്ത്ഥികള്ക്കും ഗവേഷകര്ക്കും ഇക്കാലം വളരെ നല്ല സമയമാണ്.
ചിത്ര 3, 4 പാദങ്ങള്, ചോതി, വിശാഖം 1, 2, 3 നക്ഷത്രപാദങ്ങള്
ഈ നക്ഷത്രത്തില് പെട്ടവര്ക്ക് ഈ സമയം താരതമ്യേന ഗുണകരമാണ്. അധ്വാനത്തിനനുസൃതമായ ഫലം ലഭിക്കുന്ന കാലമാണിത്. ഭാഗ്യം, അധികാര പ്രാപ്തി, വിദ്യാഗുണം, വിവാഹം, വിദേശവാസ യോഗം എന്നിവയ്ക്കും യോഗമുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
ഈ നക്ഷത്രക്കാര്ക്ക് ഇക്കാലം അല്പം ഈശ്വരാധീനക്കുറവുള്ള സമയമാണ്. എല്ലാ കാര്യങ്ങളിലും കയറി ഇടപെടാതിരിക്കാന് പ്രത്യേകം ശ്രദ്ധിയ്ക്കണം. അലസത മാറ്റി പ്രവര്ത്തിച്ചാല് ഗുണഫലങ്ങള് അനുഭവപ്പെടാന് തുടങ്ങാന് സാധ്യതയുണ്ട്.
മൂലം, പൂരാടം, ഉത്രാടം 1-ാം പാദം
ഇവര്ക്ക് ഇക്കാലം ഈശ്വരാധീനമുള്ള സമയമാണ്. ഗുണാനുഭവങ്ങള്ക്ക് കാലതാമസം വരുമെങ്കിലും സംഗീത സാഹിത്യ കലാ സിനിമ രാഷ്ട്രീയ പ്രവര്ത്തനങ്ങള് എന്നീ മേഖലകളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ്.
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഗുണദോഷ സമ്മിശ്രാനുഭവങ്ങള്ക്ക് സാധ്യതയുള്ള സമയമാണ് എങ്കിലും കഠിന പ്രയത്നത്തിന് ഫലം കിട്ടുന്നതാണ്. ക്രയവിക്രയങ്ങളില് ലാഭം, സഹായികളുടെ വര്ദ്ധന, സുഖസമൃദ്ധമായ ജീവിതം എന്നിവയ്ക്കെല്ലാംയോഗമുണ്ട്. എന്നിരുന്നാലും ചെവിക്ക് അസുഖസാധ്യതകള്, ചതിയേല്ക്കാനിട വരിക, ശരീരത്തില് മുറിവേല്ക്കാനിടവരുക, അവിചാരിതമായ നാശനഷ്ടങ്ങള് എന്നിവയ്ക്കും യോഗമുണ്ടെന്നറിഞ്ഞ് ശ്രദ്ധിച്ച് പ്രവര്ത്തിക്കേണ്ട സമയം കൂടിയാണ്.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് വളരെ നല്ല സമയമാണിത്. സന്താനങ്ങള്ക്ക് അഭിവൃദ്ധി, ഉദ്ദിഷ്ട കാര്യ സിദ്ധി, അധികാര പ്രാപ്തി, പ്രശസ്തി എന്നിവയ്ക്കെല്ലാം യോഗമുണ്ട്. അലസ പ്രകൃതി മാറ്റി ഉണര്ന്ന് പ്രവര്ത്തിക്കേണ്ട സമയം കൂടിയാണ്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഇവര്ക്ക് ഇക്കാലം പൊതുവെ ഗുണകരമാണ്. കുടുംബൈശ്വര്യം, വസ്ത്രാഭരണ സിദ്ധി, പ്രാപ്തി,, കാര്യജയം, ദേശ നന്മയ്ക്കുള്ള പ്രവര്ത്തനങ്ങള്ക്ക് നേതൃത്വം കൊടുക്കല് എന്നിവയ്ക്കും യോഗമുണ്ട്. അനാവശ്യ ചെലവുകള്, അലസത, ഉദരരോഗ, പാദരോഗ സാധ്യതകള്, അലര്ജി മൂലം അസുഖങ്ങള് എന്നിവയ്ക്കും യോഗമുള്ളതിനാല് ശ്രദ്ധിക്കേണ്ടതാണ്
Weekly horoscope and astrology prediction for Dec 08 -14
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
