ന്യൂഡല്ഹി: പ്രമുഖ കാര് നിര്മ്മാതാക്കളായ ഹോണ്ട കാര്സ് ഇന്ത്യ, തങ്ങളുടെ വിവിധ മോഡലുകള്ക്ക് മെയ് മാസത്തില് 2.12 ലക്ഷം രൂപ വരെ ഡിസ്കൗണ്ട് പ്രഖ്യാപിച്ചു. മെയ് 31 വരെ കാലാവധിയുള്ള ഈ ഓഫറുകളില് ക്യാഷ് ഡിസ്കൗണ്ടുകള്, എക്സ്ചേഞ്ച് ബോണസുകള്, കോര്പ്പറേറ്റ് ആനുകൂല്യങ്ങള് എന്നിവ ഉള്പ്പെടുന്നു. ഓരോ മോഡലിനും വേരിയന്റിനും അനുസരിച്ച് ഓഫറുകളില് വ്യത്യാസം ഉണ്ടാവും.
ഈ മാസം ഏറ്റവും കൂടുതല് ആനുകൂല്യം ലഭിക്കുന്നത് ഹോണ്ട എലിവേറ്റിനാണ്. മൊത്തം 2.12 ലക്ഷം രൂപ വരെയുള്ള ഇളവുകളാണ് ഈ എസ്യുവിക്ക് ലഭിക്കുക. 11.60 ലക്ഷം രൂപ മുതലാണ് (എക്സ്-ഷോറൂം) ഇതിന്റെ വില ആരംഭിക്കുന്നത്. അഞ്ചാം തലമുറ ഹോണ്ട സിറ്റിക്ക് 1.56 ലക്ഷം രൂപ വരെയുള്ള ആനുകൂല്യം ലഭ്യമാണ്. 12 ലക്ഷം രൂപ മുതലാണ് ഈ സെഡാന്റെ എക്സ്-ഷോറൂം വില. സിറ്റിയുടെ ഹൈബ്രിഡ് പതിപ്പായ സിറ്റി ഇ:എച്ച്ഇവിക്ക് (City e:HEV) 1.97 ലക്ഷം രൂപ വരെയാണ് ഡിസ്കൗണ്ട് ലഭിക്കുക.
പുതിയ തലമുറ അമേസിന് (Amaze) 67,000 രൂപ വരെയാണ് ഡിസ്കൗണ്ട് ലഭിക്കുക. നിലവില് വില്പ്പനയിലുള്ള രണ്ടാം തലമുറ അമേസിന് 58,000 രൂപ വരെയും ആനുകൂല്യം ലഭിക്കുന്നുണ്ട്. രണ്ടാം തലമുറ അമേസിന്റെ വില 6.98 ലക്ഷം രൂപ മുതലാണ് ആരംഭിക്കുന്നത്. തെരഞ്ഞെടുത്ത കോര്പ്പറേറ്റ് ഉപഭോക്താക്കള്ക്കായി എല്ലാ മോഡലുകളിലും ഹോണ്ട അധിക ആനുകൂല്യങ്ങളും നല്കുന്നുണ്ട്. മെയ് 31 വരെ സാധുതയുള്ള ഈ ഓഫറുകള് സ്ഥലത്തിനും സ്റ്റോക്കിന്റെ ലഭ്യതയ്ക്കും അനുസരിച്ച് മാറാന് സാധ്യതയുണ്ട്. മെയ് 22-ന് ഹോണ്ട സിറ്റി ഫെയ്സ്ലിഫ്റ്റ് വിപണിയിലെത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
