മുംബൈ: പ്രമുഖ വാഹന നിര്മ്മാതാക്കളായ നിസാന് ഇന്ത്യയുടെ ഈ വര്ഷത്തെ രണ്ടാമത്തെ ലോഞ്ച് ആയ ടെക്ടണ് എസ് യുവി നാളെ ഇന്ത്യന് വിപണിയില് അവതരിപ്പിക്കും. ഈ മോഡലിന്റെ ഒരു ത്രീ-റോ (മൂന്ന് വരികളുള്ള) എസ് യുവി പതിപ്പ് അടുത്ത വര്ഷം വിപണിയിലെത്തും.
നിസാന് ടെക്ടണില് ഇന്വെര്ട്ടഡ് 'L' ആകൃതിയിലുള്ള എല്ഇഡി ഡിആര്എല്ലുകള്, എല്ഇഡി ഹെഡ്ലാമ്പുകള്, ഫോക്സ് സില്വര് സ്കിഡ് പ്ലേറ്റുകള്, ബോണറ്റില് 'Tekton' എന്ന് രേഖപ്പെടുത്തിയ അക്ഷരങ്ങള്, മുന്ഭാഗത്തിന്റെ നീളത്തില് വരുന്ന ചുവന്ന ഇന്സേര്ട്ട് എന്നിവ ഉണ്ടായിരിക്കും. വശങ്ങളില് മുന് ഫെന്ഡറുകളില് ഒരു ഇന്സേര്ട്ടും അലോയ് വീലുകള്ക്ക് പുതിയൊരു ഡിസൈനും നല്കിയിട്ടുണ്ട്. പിന്നില് എല്ഇഡി ലൈറ്റ് ബാര്, 'ഇ' ആകൃതിയിലുള്ള എല്ഇഡി ടെയില് ലൈറ്റുകള്, റിയര് വൈപ്പറും വാഷറും, ഹൈ-മൗണ്ടഡ് സ്റ്റോപ്പ് ലാമ്പ്, ടെയില്ഗേറ്റില് 'Tekton' എന്ന് എഴുതിയ അക്ഷരങ്ങള്, ഷാര്ക്ക്-ഫിന് ആന്റിന എന്നിവ ഉള്പ്പെടുന്നു.
പുതിയ ടെക്ടണ് എസ്യുവിയുടെ ഉള്വശത്ത് വലിയ ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, പൂര്ണ്ണമായും ഡിജിറ്റലായ കളര് ഇന്സ്ട്രുമെന്റ് ക്ലസ്റ്റര്, പുത്തന് ത്രീ-സ്പോക്ക് മള്ട്ടിഫംഗ്ഷന് സ്റ്റിയറിങ് വീല്, സെന്റര് കണ്സോളിലെ റോട്ടറി ഡയലുകള്, ഉയരം ക്രമീകരിക്കാവുന്ന ഡ്രൈവര് സീറ്റ്, വൈറ്റ് ഇന്സേര്ട്ടുകളോട് കൂടിയ ബ്ലാക്ക് ഇന്റീരിയര് തീം, മാനുവല് ഐആര്വിഎം (IRVM), എസി വെന്റുകള്ക്ക് പുതിയ ഡിസൈന് എന്നിവ പ്രതീക്ഷിക്കാം.
നിസാന് ടെക്ടണില് 1.0 ലിറ്റര് ടര്ബോ-പെട്രോള്, 1.3 ലിറ്റര് ടര്ബോ-പെട്രോള്, 1.8 ലിറ്റര് ടര്ബോ-പെട്രോള് ഹൈബ്രിഡ് പവര്ട്രെയിനുകള് ലഭ്യമായേക്കും. ഇതില് ഹൈബ്രിഡ് പതിപ്പ് കുറച്ചുകൂടി വൈകിയാകും വിപണിയിലെത്തുക. ലോഞ്ച് ചെയ്ത് കഴിഞ്ഞാല് ഹ്യുണ്ടായ് ക്രെറ്റ, മാരുതി വിക്ടോറിസ്, കിയ സെല്റ്റോസ് തുടങ്ങിയവയോടായിരിക്കും ടെക്ടണ് മത്സരിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
