ന്യൂഡല്‍ഹി: പ്രമുഖ വാഹന നിര്‍മ്മാതാക്കളായ ഹ്യുണ്ടായിയുടെ അടുത്ത തലമുറ ക്രെറ്റ എസ് യുവിയുടെ കൂടുതല്‍ ചിത്രങ്ങള്‍ പുറത്ത്. അടുത്ത വര്‍ഷം ആദ്യം ഇത് ഇന്ത്യന്‍ വിപണിയില്‍ അവതരിപ്പിക്കുമെന്നാണ് കരുതുന്നത്. നിലവിലുള്ള പെട്രോള്‍, ഡീസല്‍ എന്‍ജിന്‍ ഓപ്ഷനുകള്‍ തുടരും. കൂടാതെ ഭാവി മുന്നില്‍ കണ്ട് സ്‌ട്രോങ് ഹൈബ്രിഡ് പവര്‍ട്രെയിനും ഇതില്‍ ഉള്‍പ്പെടുത്തിയേക്കാം.
പുറത്തുവന്ന ചിത്രങ്ങള്‍ അനുസരിച്ച് രണ്ടു സ്‌പോക്ക് മള്‍ട്ടിഫംഗ്ഷന്‍ സ്റ്റിയറിങ് വീല്‍, വലിയ ഇന്‍ഫോടെയ്ന്‍മെന്റ് സ്‌ക്രീന്‍, ഡാഷ്‌ബോര്‍ഡില്‍ ഘടിപ്പിച്ച നേര്‍ത്ത ഡ്രൈവര്‍ ഡിസ്‌പ്ലേ എന്നിവ വാഹനത്തില്‍ കാണാം. ഇന്റീരിയറില്‍ ഡ്യുവല്‍ ടോണ്‍ കളര്‍ തീം നല്‍കിയിരിക്കുന്നു. കൂടുതല്‍ സ്ഥല സൗകര്യത്തിനായി ഗിയര്‍ ഷിഫ്റ്റര്‍ മധ്യഭാഗത്ത് നിന്ന് സ്റ്റിയറിങ്ങിനോട് ചേര്‍ന്നിരിക്കുന്നത് കാണാം. മുന്‍വശത്തെ രണ്ട് സീറ്റുകളും ഇലക്ട്രിക് അഡ്ജസ്റ്റ്‌മെന്റ് സൗകര്യത്തോടെയാണ് വരുന്നത്. മുന്‍വശത്തെ പാസഞ്ചര്‍ സീറ്റില്‍ ബോസ് മോഡ് ഉണ്ട്. ഇതുവഴി പിന്‍നിരയില്‍ ഇരിക്കുന്നവര്‍ക്കും ഈ സീറ്റ് ക്രമീകരിക്കാന്‍ സാധിക്കും.
നിലവിലുള്ള ക്രെറ്റയെ അപേക്ഷിച്ച് കൂടുതല്‍ വലുതും ചതുരാകൃതിയിലുള്ളതുമായ ഘടനയാണുള്ളത്. കിയ സെല്‍റ്റോസില്‍ കാണുന്ന കെ3 പ്ലാറ്റ്‌ഫോമിലേക്കാണ് ക്രെറ്റ മാറാന്‍ സാധ്യത. കൂടുതല്‍ നിവര്‍ന്നുനില്‍ക്കുന്ന ഘടന, നിരപ്പായ റൂഫ്‌ലൈന്‍, വീതിയേറിയ ബോഡി, പുതുക്കിയ ചതുരാകൃതിയിലുള്ള മുന്‍ഭാഗം, സ്പ്ലിറ്റ് എല്‍ഇഡി ലൈറ്റിങ്, 360 ഡിഗ്രി കാമറ, സുരക്ഷയ്ക്ക് അഡാസ് സാങ്കേതികവിദ്യ എന്നിവയാണ് മറ്റു ഫീച്ചറുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
