ന്യൂഡല്ഹി: പ്രമുഖ വാഹന നിര്മ്മാതാക്കളായ ടാറ്റ മോട്ടോഴ്സ് പുതിയ പഞ്ച് ഇവി ഫെയ്സ്ലിഫ്റ്റ് പുറത്തിറക്കി. 9.69 ലക്ഷം രൂപയാണ് പ്രാരംഭവില (എക്സ്-ഷോറൂം, മുംബൈ).
ഒറ്റ ഇലക്ട്രിക് മോട്ടോറുമായി ജോടിയാക്കിയ പുതിയ 40kWh ബാറ്ററി പായ്ക്കുമായാണ് ടാറ്റ പഞ്ച് ഇവി ഫെയ്സ്ലിഫ്റ്റ് എത്തിയത്. ഈ പവര്ട്രെയിന് ഉപയോഗിച്ച് ഒറ്റ ചാര്ജില് 468 കിലോമീറ്റര് വരെ സഞ്ചരിക്കാന് സാധിക്കും. 65kW DC ഫാസ്റ്റ് ചാര്ജിങ്ങിന്റെ ഓപ്ഷനും മോഡലില് ഉണ്ട്. 26 മിനിറ്റിനുള്ളില് 20-80 ശതമാനം വരെ ബാറ്ററി ചാര്ജ് ചെയ്യാനും 15 മിനിറ്റിനുള്ളില് 135 കിലോമീറ്റര് റേഞ്ച് ടോപ്പ്-അപ്പ് ചെയ്യാനും കഴിയും. 30kWh, 40kWh യൂണിറ്റുകളെ യഥാക്രമം മീഡിയം റേഞ്ച് എന്നും ലോംഗ് റേഞ്ച് എന്നും വിളിക്കും.
ഓട്ടോമാറ്റിക് ക്ലൈമറ്റ് കണ്ട്രോള്, ഇല്യൂമിനേറ്റഡ് ചാര്ജിംഗ് സ്റ്റാറ്റസ് ഇന്ഡിക്കേറ്റര്, മൂന്ന് ഡ്രൈവ് മോഡുകള് (ഇക്കോ, സിറ്റി, സ്പോര്ട്), പാഡില് ഷിഫ്റ്ററുകള് വഴി നിയന്ത്രിക്കാവുന്ന നാല് റീജന് മോഡുകള്, ഡ്യുവല്-ടോണ് ഡാഷ്ബോര്ഡ്, അപ്ഹോള്സ്റ്ററി, പുതിയ വിന്ഡോ കണ്ട്രോള് ബട്ടണുകള്, വെന്റിലേറ്റഡ് ഫ്രണ്ട് സീറ്റുകള്, വോയ്സ് അസിസ്റ്റഡ് സണ്റൂഫ്, വയര്ലെസ് ആപ്പിള് കാര്പ്ലേ, ആന്ഡ്രോയിഡ് ഓട്ടോ എന്നിവയുള്ള പുതിയ HVAC പാനല് എന്നിവയാണ് പുതിയ എസ്യുവിയുടെ ഫീച്ചറുകള്. ആറ് എയര്ബാഗുകള്, EBD ഉള്ള ABD, ESP, HSA, i-TPMS എന്നിവ സ്റ്റാന്ഡേര്ഡായി ലഭ്യമായ സുരക്ഷാ സവിശേഷതകളാണ്.
പുതുക്കിയ ടാറ്റ പഞ്ച് ഇവിയില് പുനര്രൂപകല്പ്പന ചെയ്ത ഫാസിയ, ചുറ്റും ഗ്രേ ബോഡി ക്ലാഡിംഗ്, പുതിയ LED ടെയില് ലൈറ്റുകള്, പിന്നില് LED ലൈറ്റ് ബാര് എന്നിവ ഉള്പ്പെടുന്നു. പുതുക്കിയ വര്ണ്ണ പാലറ്റില് ഇപ്പോള് ഫിയര്ലെസ് യെല്ലോ, ബംഗാള് റൂജ്, കാരാമല്, എംപവേര്ഡ് ഓക്സൈഡ്, പ്യുവര് ഗ്രേ, സൂപ്പര്നോവ കോപ്പര്, പ്രിസ്റ്റൈന് വൈറ്റ് എന്നിവ ഉള്പ്പെടുന്നു. സ്മാര്ട്ട്, സ്മാര്ട്ട്+, അഡ്വഞ്ചര്, എംപവേര്ഡ്, എംപവേര്ഡ്+ എസ് എന്നിങ്ങനെ അഞ്ച് വകഭേദങ്ങള് ഓഫറില് ഉണ്ട്. കൂടാതെ, BaaS പ്രോഗ്രാം വഴിയും ഉപഭോക്താക്കള്ക്ക് മോഡല് വാങ്ങാം. 6.49 ലക്ഷം രൂപ മുതലാണ് വില(എക്സ്-ഷോറൂം, മുംബൈ).
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
