ന്യൂഡല്‍ഹി: ഇന്ത്യന്‍ വിപണിക്കായി തങ്ങളുടെ ഉല്‍പ്പന്ന പോര്‍ട്ട്ഫോളിയോ വൈവിധ്യവല്‍ക്കരിക്കാന്‍ പ്രമുഖ ഇരുചക്ര വാഹന നിര്‍മ്മാതാക്കളായ യമഹ ഒരുങ്ങുന്നതായി റിപ്പോര്‍ട്ട്. ഇതനുസരിച്ച് യമഹയുടെ പുതിയ ബൈക്കായ എക്‌സ്എസ്ആര്‍155 നവംബര്‍ 11ന് ഇന്ത്യയില്‍ അവതരിപ്പിക്കുമെന്നാണ് സൂചന.
ലോഞ്ച് ചെയ്യുന്നതിന് മുന്നോടിയായി, പുതിയ ബൈക്കിന്റെ ഇന്ത്യന്‍ റോഡുകളിലെ പരീക്ഷണം ആരംഭിച്ചിട്ടുണ്ട്. ഇത് പുതിയ മോഡലിന്റെ മൊത്തത്തിലുള്ള രൂപകല്‍പ്പനയെ സൂചിപ്പിക്കുന്നു. ബ്രാന്‍ഡിന്റെ ഏറ്റവും ജനപ്രിയമായ എന്‍ട്രി ലെവല്‍ സ്‌പോര്‍ട്‌സ് ബൈക്കായ യമഹ ആര്‍15 വി4നെ അടിസ്ഥാനമാക്കിയുള്ളതായിരിക്കും പുതിയ ബൈക്ക് എന്നാണ് വിവരം. വൃത്താകൃതിയിലുള്ള ഹെഡ്ലൈറ്റുകള്‍, ഒരു ഫ്‌ലാറ്റ് സീറ്റ്, കണ്ണുനീര്‍ തുള്ളി ആകൃതിയിലുള്ള ഇന്ധന ടാങ്ക്, നിവര്‍ന്നു ഇരിക്കുന്ന പോസ്ചര്‍ എന്നിവയുള്ള പുതിയ-റെട്രോ ഡിസൈന്‍ ഭാഷ യമഹ അവതരിപ്പിക്കുമെന്നാണ് വിവരം.
നിയോ-റെട്രോ മോട്ടോര്‍സൈക്കിളില്‍ ഒരു വൃത്താകൃതിയിലുള്ള LCD ഇന്‍സ്ട്രുമെന്റ് ക്ലസ്റ്റര്‍ സജ്ജീകരിച്ചിട്ടുണ്ടെന്നും പുറത്തുവരുന്ന ചിത്രങ്ങള്‍ വെളിപ്പെടുത്തുന്നു. മുന്നിലും പിന്നിലും മോണോ-ഷോക്ക് യുഎസ്ഡി ടെലിസ്‌കോപ്പിക് ഫോര്‍ക്കുകളും മുന്നിലും പിന്നിലും ഡിസ്‌ക് ബ്രേക്കുകളും ക്രമീകരിച്ചിട്ടുണ്ട്. ബൈക്കിന് ഡ്യുവല്‍-ചാനല്‍ എബിഎസ് ലഭിക്കുമെന്ന് പ്രതീക്ഷിക്കുന്നു. ടേണ്‍-ബൈ-ടേണ്‍ നാവിഗേഷന്‍, കണക്റ്റിവിറ്റി സവിശേഷതകള്‍ തുടങ്ങിയ ഫീച്ചറുകളും ബൈക്കില്‍ പ്രതീക്ഷിക്കാം.
Yamaha XSR155 Snapped Testing In India; Launch Likely On November
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
