399 രൂപയ്ക്ക് പുതിയ പ്ലാനുമായി ബിഎസ്എൻഎൽ; വൺ ജിബി വേഗതയിൽ പരിധിയില്ലാതെ സൗജന്യ ഡാറ്റ
ന്യൂഡൽഹി: ബിഎസ്എന്‍എല്‍ 399 രൂപയ്ക്ക് പുതിയ പ്ലാനുമായി ബിഎസ്എൻഎൽ. 399 രൂപയുടെ പ്ലാന്‍ വൗച്ചര്‍ (പിവി) ആണ് അവതരിപ്പിച്ചത്. ഓഗസ്റ്റ് 15 മുതല്‍ ഇത് ലഭ്യമാകും. ഉടന്‍ തന്നെ നിര്‍ത്തലാക്കുന്ന സ്‌പെഷ്യല്‍ താരിഫ് വൗച്ചര്‍ (എസ്ടിവി) 399 ന് പകരമാണ് പിവി 399 നിലവില്‍ വരുന്നത്. ഈ പ്ലാനിന് ഒരു അടിസ്ഥാന പ്ലാന്‍ ആവശ്യമാണ്.
2020 ഓഗസ്റ്റ് 14 മുതല്‍ പ്ലാന്‍ വൗച്ചര്‍ പിവി 1699, സ്‌പെഷ്യല്‍ താരിഫ് വൗച്ചര്‍ എസ്ടിവി 399 എന്നിവ പിന്‍വലിക്കുമെന്നും ഓഗസ്റ്റ് 15 മുതല്‍ പ്ലാന്‍ വൗച്ചര്‍ 399 അവതരിപ്പിക്കുമെന്നും ബിഎസ്എന്‍എല്‍ വ്യക്തമാക്കി.
399 രൂപ പ്ലാന്‍ വൗച്ചര്‍ (പിവി) പ്രതിദിനം വൺ ജിബി ഉയര്‍ന്ന വേഗതയുള്ള പരിധിയില്ലാത്ത സൗജന്യ ഡാറ്റ നല്‍കുന്നു. 1 ജിബിയുടെ പരിധിയിലെത്തിയ ശേഷം, വേഗത 80 കെബിപിഎസായി കുറയ്ക്കുന്നു. ഈ പദ്ധതിയുടെ വാലിഡിറ്റി 80 ദിവസമാണ്. പിവി 399 നൊപ്പം വരുന്ന സൗജന്യങ്ങള്‍ 80 ദിവസത്തേക്ക് ആക്‌സസ് ചെയ്യാന്‍ കഴിയും. പരിധിയില്ലാത്ത സൗജന്യ വോയ്‌സ് കോളുകള്‍, എസ്ടിഡി ലോക്കല്‍ അല്ലെങ്കില്‍ രാജ്യത്തെ ഏത് നെറ്റ്‌വര്‍ക്കിലേക്കും റോമിങ് എന്നിവ ഇതില്‍ ഉള്‍പ്പെടുന്നു. മറ്റ് സൗജന്യങ്ങളില്‍ പ്രതിദിനം 100 സൗജന്യ എസ്എംഎസ് ഉള്‍പ്പെടുന്നു, ഇത് ഡല്‍ഹി, മുംബൈ എന്നിവിടങ്ങളിലെ എംടിഎന്‍എല്‍ നെറ്റ്‌വര്‍ക്ക് റോമിങ് ഏരിയ ഉള്‍പ്പെടെ ഹോം, ദേശീയ റോമിങുകളിൽ ബാധകമാണ്. മാത്രമല്ല, പ്ലാന്‍ സൗജന്യ ബിഎസ്എന്‍എല്‍ ട്യൂണുകളും നല്‍കുന്നു.
സി ടോപ്പ് അപ്പ്, സെല്‍ഫ് കെയര്‍, വെബ് പോര്‍ട്ടല്‍ എന്നിവയിലൂടെ പ്ലാന്‍ സജീവമാക്കാം. പിവി 399 ല്‍ നിന്ന് ഇവിടേക്ക് മൈഗ്രേഷന്‍ അനുവദനീയമാണെന്ന് ബിഎസ്എന്‍എല്‍ വ്യക്തമാക്കി.
1699 രൂപ പ്രീപെയ്ഡ് നിര്‍ത്തലാക്കിയതായി ബിഎസ്എന്‍എല്‍ വ്യക്തമാക്കി. ഇന്ന് മുതൽ ഈ പ്ലാൻ ഉണ്ടാകില്ല. ഈ പ്ലാൻ നിലവിൽ ഉപയോഗിക്കുന്നവർക്ക് അതിന്റെ കാലാവധി കഴിയും വരെ ഉപയോഗിക്കാം.
250 മിനിറ്റ് എഫ്‌യുപി പരിധി ഉപയോഗിച്ച് വരിക്കാര്‍ക്ക് പരിധിയില്ലാത്ത കോളിങ്, 2 ജിബി എത്തുന്നതുവരെ പ്രതിദിനം ഉയര്‍ന്ന വേഗതയുള്ള പരിധിയില്ലാത്ത ഡാറ്റ എന്നിവ വാഗ്ദാനം ചെയ്യുന്ന ഒരു ദീര്‍ഘകാല പദ്ധതിയാണ് 1699 രൂപ പ്ലാന്‍, അതിനു ശേഷം വേഗത 80 കെപിഎസായും 100 സൗജന്യ എസ്എംഎസായും കുറയ്ക്കുന്നു. പദ്ധതിക്ക് 300 ദിവസത്തെ വാലിഡിറ്റി ഉണ്ടായിരുന്നു. പ്രവര്‍ത്തിക്കാന്‍ അടിസ്ഥാന പദ്ധതി ആവശ്യമുള്ള എസ്ടിവി 399 ഉം ബിഎസ്എന്‍എല്‍ റദ്ദാക്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
