പശ്ചിമേഷ്യന് സംഘര്ഷത്തെ തുടര്ന്ന് ഓഹരി വിപണി ചാഞ്ചാട്ടത്തിലാണ്. ഇതിനെ തുടര്ന്ന് ഇന്ത്യയില് കമ്മോഡിറ്റികള്, എണ്ണ, വാതകം എന്നിവയുടെ വില വര്ദ്ധിച്ചു. ഇത് കറന്സി മൂല്യത്തെ പോലും ബാധിച്ചിരിക്കുകയാണ്.
ഈ സാഹചര്യങ്ങള് ശരിയായ രീതിയില് സാമ്പത്തിക ആസൂത്രണം ചെയ്യേണ്ടതിന്റെയും നിലവിലെ ആഗോള സാമ്പത്തിക അന്തരീക്ഷം മനസ്സിലാക്കേണ്ടതിന്റെയും ആവശ്യകതയെ സൂചിപ്പിക്കുന്നു. കാരണം ഈ ഘടകങ്ങള് വ്യക്തികളുടെ സമ്പാദ്യം, നിക്ഷേപങ്ങള്, ദീര്ഘകാല സാമ്പത്തിക ആസൂത്രണം എന്നിവയെ നേരിട്ട് ബാധിച്ചേക്കാം. നിലവിലെ വിപണിയിലെ അസ്ഥിരതയ്ക്കിടയിലും സമ്പാദ്യം സുരക്ഷിതമായി സൂക്ഷിക്കാനുള്ള 5 വഴികള് താഴെ പറയുന്നവയാണ്:
നിക്ഷേപങ്ങള് വൈവിധ്യവല്ക്കരിക്കുക
ഇപ്പോഴത്തെ സാഹചര്യത്തില്, ഒരു പ്രത്യേക ആസ്തിയിലോ മേഖലയിലോ മാത്രമായി നിക്ഷേപം കേന്ദ്രീകരിക്കുന്നത് ഒഴിവാക്കുന്നതാണ് ഉചിതം. ഇക്വിറ്റി, കടപ്പത്രങ്ങള്, ഫിക്സഡ് ഇന്കം, പണമായി എളുപ്പം മാറ്റാന് കഴിയുന്ന മറ്റ് നിക്ഷേപങ്ങള് എന്നിവയില് കൃത്യമായ അനുപാതത്തില് നിക്ഷേപം നടത്തുക. പോര്ട്ട്ഫോളിയോയുടെ മൊത്തത്തിലുള്ള റിസ്ക് കുറയ്ക്കാന് ഇത് സഹായകമാകുമെന്നാണ് വിപണി വിദഗ്ധര് പറയുന്നത്.
എമര്ജന്സി ഫണ്ട് സൂക്ഷിക്കുക
മാറിക്കൊണ്ടിരിക്കുന്ന മാക്രോ ഇക്കണോമിക് അന്തരീക്ഷം, വര്ദ്ധിച്ചുവരുന്ന പണപ്പെരുപ്പം, മറ്റ് വെല്ലുവിളികള് എന്നിവയ്ക്കിടയില് അപ്രതീക്ഷിതമായി ജോലി നഷ്ടപ്പെടുകയോ സാമ്പത്തിക പ്രതിസന്ധി ഉണ്ടാവുകയോ ചെയ്താല് അതിനെ നേരിടാന് ഒരു ശക്തമായ 'എമര്ജന്സി ഫണ്ട്' ഉണ്ടായിരിക്കേണ്ടത് വളരെ പ്രധാനമാണ്. വരുമാന തടസ്സങ്ങളോ അപ്രതീക്ഷിത ചെലവുകളോ നേരിടുന്നതിനായി കുറഞ്ഞത് 6 മുതല് 12 മാസത്തെ അത്യാവശ്യ ചെലവുകള്ക്കായുള്ള തുക ലിക്വിഡ് സേവിങ്സ് ആയി (എളുപ്പത്തില് പിന്വലിക്കാന് പാകത്തില്) സൂക്ഷിച്ചിട്ടുണ്ടെന്ന് ഉറപ്പാക്കുക.
എസ്ഐപി വഴിയുള്ള ദീര്ഘകാല നിക്ഷേപങ്ങളില് ശ്രദ്ധ കേന്ദ്രീകരിക്കുക
സിസ്റ്റമാറ്റിക് ഇന്വെസ്റ്റ്മെന്റ് പ്ലാനുകള് നിലവിലെ പണപ്പെരുപ്പത്തെ പ്രതിരോധിക്കാന് സഹായിക്കും. വിപണിയിലെ അസ്ഥിരതകളെ കാര്യക്ഷമമായി മറികടക്കാനും കാലക്രമേണ അച്ചടക്കമുള്ളതും അര്ത്ഥവത്തായതുമായ സമ്പത്ത് സൃഷ്ടിക്കാനും എസ്ഐപികള് സഹായിക്കുന്നു.
പരിഭ്രാന്തിയിലുള്ള നിക്ഷേപ തീരുമാനങ്ങള് ഒഴിവാക്കുക
ഹ്രസ്വകാല ഭൗമരാഷ്ട്രീയ വാര്ത്തകള് വിപണിയില് പരിഭ്രാന്തി ഉണ്ടാക്കിയേക്കാം. ഇത് വൈകാരികമായ പ്രതികരണങ്ങള്ക്ക് കാരണമായേക്കാമെങ്കിലും പെട്ടെന്നുള്ള ഇത്തരം തീരുമാനങ്ങള് പലപ്പോഴും തെറ്റായ നിക്ഷേപങ്ങളിലേക്കും സാമ്പത്തിക നഷ്ടങ്ങളിലേക്കും നയിക്കും. വിപണിയിലെ താല്ക്കാലിക ചലനങ്ങളോ വാര്ത്തകളോ കണ്ട് നിക്ഷേപ തീരുമാനങ്ങള് എടുക്കരുത്. നിലവിലെ ഭൗമരാഷ്ട്രീയ വെല്ലുവിളികളെ കൂടി കണക്കിലെടുക്കുന്ന ഒരു നിക്ഷേപ തന്ത്രം രൂപീകരിക്കുകയും അതനുസരിച്ച് പ്രതിമാസ നിക്ഷേപങ്ങള് തുടരുകയും ചെയ്യുക.
പോര്ട്ട്ഫോളിയോ കൃത്യമായ ഇടവേളകളില് പുനഃപരിശോധിക്കുക
താല്ക്കാലിക ട്രെന്ഡുകള്ക്ക് പുറകെ പോകാതെ മാറുന്ന ലക്ഷ്യങ്ങള്, നിലവിലെ യാഥാര്ത്ഥ്യങ്ങള്, റിസ്ക് എടുക്കാനുള്ള ശേഷി, മാക്രോ സാമ്പത്തിക സാഹചര്യങ്ങള് എന്നിവയെ അടിസ്ഥാനമാക്കി നിക്ഷേപങ്ങള് പുനഃക്രമീകരിക്കുക. ദീര്ഘകാല ലക്ഷ്യം നിശ്ചയിച്ചു കഴിഞ്ഞാല്, വ്യക്തിഗത ധനകാര്യങ്ങള് സുരക്ഷിതമാക്കാന് അതനുസരിച്ച് വേണം നിക്ഷേപം നടത്താന്. മാറുന്ന വിപണി സാഹചര്യങ്ങള്ക്കും വ്യക്തിഗത ആവശ്യങ്ങള്ക്കും അനുസൃതമായി മാറ്റങ്ങള് വരുത്തുന്നതിനായി നിക്ഷേപങ്ങള് കൃത്യമായി വിലയിരുത്തേണ്ടതുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
