നികുതിദായകര് ആദായനികുതി റിട്ടേണുകള് സമര്പ്പിക്കാന് ആരംഭിച്ചിരിക്കുകയാണ്. ഐടിആര് ഫയല് ചെയ്യുമ്പോള് അതീവശ്രദ്ധ ആവശ്യമാണ്. നല്കുന്ന വിവരങ്ങളില് ചെറിയ പിശകുകള് സംഭവിച്ചാല് പോലും വലിയ പിഴകള്ക്കും നോട്ടീസുകള്ക്കും കാരണമായേക്കാം. സാങ്കേതിക വിദ്യയുടെ സഹായത്തോടെ നികുതി വെട്ടിപ്പുകള് കണ്ടെത്താന് ആദായനികുതി വകുപ്പ് കര്ശന നടപടികള് സ്വീകരിക്കുന്നതിനാല്, കൃത്യമായ വിവരങ്ങള് നല്കി കൃത്യസമയത്ത് റിട്ടേണ് ഫയല് ചെയ്യുന്നത് വേഗത്തില് റീഫണ്ട് ലഭിക്കാനും നിയമനടപടികള് ഒഴിവാക്കാനും സഹായിക്കും. റിട്ടേണ് സമര്പ്പിക്കുന്നതിന് മുന്പ് ശ്രദ്ധിക്കേണ്ട പ്രധാന കാര്യങ്ങള് ചുവടെ:
1. വരുമാന വിവരങ്ങള് മറച്ചുവെക്കല്: പലരും ശമ്പള വരുമാനം മാത്രം റിപ്പോര്ട്ട് ചെയ്യുകയും സേവിങ്സ് ബാങ്ക് പലിശ, ഫിക്സഡ് ഡെപ്പോസിറ്റ് വരുമാനം, ഡിവിഡന്റ്, ഓഹരി-മ്യൂച്ചല് ഫണ്ട് വിനിമയത്തിലൂടെയുള്ള ലാഭം എന്നിവ വിട്ടുപോവുകയും ചെയ്യുന്നു. ആദായനികുതി വകുപ്പിന്റെ കൈവശമുള്ള AIS (Annual Information Statement), ഫോം 26AS എന്നിവയുമായി ഈ വിവരങ്ങള് പൊരുത്തപ്പെടുന്നില്ലെങ്കില് നികുതി നോട്ടീസ് ലഭിക്കാന് സാധ്യതയുണ്ട്.
2. സമയപരിധിയും വെരിഫിക്കേഷനും: നിശ്ചിത തീയതിക്കുള്ളില് റിട്ടേണ് ഫയല് ചെയ്തില്ലെങ്കില് 5,000 രൂപ വരെ ലേറ്റ് ഫീ നല്കേണ്ടി വരും. കൂടാതെ, റിട്ടേണ് സമര്പ്പിച്ച ശേഷം 30 ദിവസത്തിനുള്ളില് ഇ-വെരിഫിക്കേഷന് പൂര്ത്തിയാക്കിയില്ലെങ്കില് ആ റിട്ടേണ് അസാധുവായി കണക്കാക്കും. തെറ്റായ അസസ്മെന്റ് വര്ഷം രേഖപ്പെടുത്തുന്നതും ഐടിആര് ഫയലിങ്ങില് സംഭവിക്കുന്ന മറ്റൊരു സാധാരണ തെറ്റാണ്.
3. തെറ്റായ ഐടിആര് ഫോം തിരഞ്ഞെടുക്കല്: വരുമാനത്തിന്റെ സ്വഭാവമനുസരിച്ച് വേണം ഫോം തിരഞ്ഞെടുക്കാന്. ഉദാഹരണത്തിന്, ബിസിനസ് വരുമാനമില്ലാത്തവര്ക്ക് ഐടിആര്-2 ആവശ്യമായി വരുമ്പോള് തെറ്റായി ഐടിആര്-1 ഉപയോഗിക്കുന്നത് റിട്ടേണ് 'ഡിഫക്റ്റീവ്' ആകാന് കാരണമാകും.
4. രേഖകള് പരിശോധിക്കാതിരിക്കല്: ഫയല് ചെയ്യുന്നതിന് മുന്പ് ബാങ്ക് സ്റ്റേറ്റ്മെന്റുകള്, ഫോം 16, ബ്രോക്കര് സ്റ്റേറ്റ്മെന്റുകള് എന്നിവ AIS-ലെ വിവരങ്ങളുമായി ഒത്തുനോക്കേണ്ടത് അത്യന്താപേക്ഷിതമാണ്. കൃത്യമായ രേഖകളില്ലാതെ നികുതി ഇളവുകള് അവകാശപ്പെടുന്നത് തള്ളപ്പെടാന് കാരണമാകും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
