ഇടപാടുകാരുടെ ശ്രദ്ധയ്ക്ക്; സംസ്ഥാനത്തെ ബാങ്കുകള്‍ക്ക് ഇന്നും നാളെയും അവധി

തിരുവനന്തപുരം: ബക്രീദ് പ്രമാണിച്ച് സംസ്ഥാനത്തെ ബാങ്കുകള്‍ക്ക് ഇന്നും നാളെയും അവധിയായിരിക്കും. സംസ്ഥാന സര്‍ക്കാര്‍ നോഗേഷ്യബിള്‍ ഇന്‍സ്ട്രുമെന്റ് ആക്ട് പ്രകാരം ഇന്നും നാളെയും അവധി പ്രഖ്യാപിച്ചതോടെയാണ് ഈ അവധികള്‍ വന്നത്.

കലണ്ടര്‍ പ്രകാരം 27നായിരുന്നു പെരുന്നാള്‍ അവധി. എന്നാല്‍ മാസപ്പിറവി കാണാത്തതിനെ തുടര്‍ന്ന് 28നാണ് ബലിപെരുന്നാള്‍ ആഘോഷിക്കുക. ഇത് പ്രകാരമാണ് ചില സംസ്ഥാനങ്ങള്‍ 27നും 28നും പൊതുഅവധി പ്രഖ്യാപിച്ചത്. ചില സംസ്ഥാനങ്ങളിലെ ബാങ്കുകള്‍ക്ക് മെയ് 27നാണ് അവധി നല്‍കിയിരിക്കുന്നത്. മറ്റ് ഇടങ്ങളില്‍ മെയ് 28നും അവധിയാണ്.

ബക്രീദ് പ്രമാണിച്ച് കേരളത്തില്‍ 27, 28 തീയതികളില്‍ സര്‍ക്കാര്‍ അവധി പ്രഖ്യാപിച്ചിട്ടുണ്ട്. പൊതുമേഖലാ സ്ഥാപനങ്ങള്‍, പ്രൊഫഷണല്‍ കോളേജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍, നെഗോഷ്യബിള്‍ ഇന്‍സ്ട്രുമെന്റ്‌സ് ആക്ടിന് കീഴില്‍ വരുന്ന സ്ഥാപനങ്ങള്‍ എന്നിവയുള്‍പ്പെടെ എല്ലാ സര്‍ക്കാര്‍ ഓഫീസുകള്‍ക്കും അവധി ബാധകമായിരിക്കും.