ന്യൂഡല്‍ഹി: ഫാസ്ടാഗ് ഉപയോഗിക്കുന്ന വാഹനങ്ങള്‍ തിരിച്ചറിയാനുള്ള 'നോ യുവര്‍ വെഹിക്കിള്‍' (കെവൈവി) രീതിക്കെതിരെ പരാതി ഉയര്‍ന്നതിന് പിന്നാലെ നടപടിക്രമം ലളിതമാക്കി ദേശീയപാത അതോറിറ്റി.
ഫാസ്ടാഗുകളുടെ ദുരുപയോഗം തടയുന്നതിനായി 2024 ഒക്ടോബര്‍ മുതലാണ് നിര്‍ബന്ധിത കെവൈവി ആരംഭിച്ചത്. ട്രക്കുകളില്‍ കാറിന്റെ ഫാസ്ടാഗ് ഉപയോഗിച്ച സംഭവങ്ങളടക്കം കണക്കിലെടുത്തായിരുന്നു ഈ നീക്കം.
കാര്‍, ജീപ്പ്, വാന്‍ എന്നിവയുടെ വശങ്ങളിലെ ചിത്രങ്ങള്‍ അപ്ലോഡ് ചെയ്യണമെന്ന വ്യവസ്ഥ ഒഴിവാക്കി, ഇനി മുന്നില്‍നിന്നുള്ള ചിത്രം മാത്രം മതി.
കെവൈവി പ്രക്രിയ പൂര്‍ത്തിയാക്കാന്‍ ഉടമകള്‍ക്കു കൂടുതല്‍ സമയം നല്‍കും. അതുവരെ ഫാസ്ടാഗ് റദ്ദാക്കില്ല. വാഹന നമ്പര്‍ നല്‍കിയാലുടന്‍ ആര്‍സി വി വരങ്ങള്‍ വാഹന്‍ പോര്‍ട്ടലില്‍നിന്ന് ഇനി ലഭ്യമാക്കും. ഒരു മൊബൈല്‍ നമ്പറുമായി ഒന്നിലേറെ വാഹനങ്ങള്‍ ബന്ധിപ്പിച്ചിട്ടുണ്ടെങ്കില്‍ ആവശ്യമുള്ളത് തെരഞ്ഞെടുക്കാനും കഴിയും.
കെവൈവി നയം വരുന്നതിനു മുന്‍പ് ഇഷ്യൂ ചെയ്ത ഫാസ്ടാഗുകളുടെ സേവനം റദ്ദാക്കില്ല. ഇവയ്‌ക്കെതിരെ പരാതികള്‍ ഉയര്‍ന്നാല്‍ മാത്രമേ നടപടിയെടുക്കൂ. കൂടുതല്‍ സഹായങ്ങള്‍ക്ക് ഹെല്‍ലൈന്‍ നമ്പര്‍: 1033 നല്‍കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
