പ്രതിമാസം 9250 രൂപ വരെ പെന്‍ഷന്‍, ഗ്യാരണ്ടീഡ് റിട്ടേണ്‍; മന്ത്‌ലി ഇന്‍കം സ്‌കീമിന്റെ നേട്ടങ്ങള്‍ എന്തെല്ലാം?

പോസ്റ്റ് ഓഫീസിന്റെ ലഘു സമ്പാദ്യ പദ്ധതികളില്‍ മാസ വരുമാനം ഉറപ്പാക്കാന്‍ സഹായിക്കുന്ന പദ്ധതിയാണ് മാസം തോറുമുള്ള വരുമാന പദ്ധതി
post office monthly income scheme
post office monthly income schemeഫയൽ
Edited By:
Updated on: 
1 min read

കൊച്ചി: പോസ്റ്റ് ഓഫീസിന്റെ ലഘു സമ്പാദ്യ പദ്ധതികളില്‍ മാസ വരുമാനം ഉറപ്പാക്കാന്‍ സഹായിക്കുന്ന പദ്ധതിയാണ് മാസം തോറുമുള്ള വരുമാന പദ്ധതി (മന്ത്‌ലി ഇന്‍കം സ്‌കീം). നിക്ഷേപിക്കുന്ന തുകയുടെ പലിശ പ്രതിമാസം ലഭിക്കുന്ന തരത്തിലാണ് ഈ സ്‌കീം ക്രമീകരിച്ചിരിക്കുന്നത്. റിട്ടയര്‍ ആകുമ്പോള്‍ ലഭിക്കുന്ന വലിയ തുക ഇതില്‍ നിക്ഷേപിച്ചാല്‍ സ്ഥിര വരുമാനം ഉറപ്പാക്കാന്‍ കഴിയും എന്നത് കൊണ്ട് പെന്‍ഷന്‍കാര്‍ക്ക് ഏറെ പ്രിയങ്കരമായ പദ്ധതിയാണിത്.

കേന്ദ്രസര്‍ക്കാരിന്റെ പിന്തുണയുള്ളത് കൊണ്ട് നിക്ഷേപം സുരക്ഷിതമാണ്. ജോയിന്റ് അക്കൗണ്ടില്‍ 15 ലക്ഷം രൂപ വരെ നിക്ഷേപിക്കാന്‍ സാധിക്കും എന്നതാണ് ഇതിന്റെ പ്രത്യേകത. ഇത്തരത്തില്‍ 15 ലക്ഷം രൂപ വരെ നിക്ഷേപിച്ചാല്‍ മാസം 9,250 രൂപ വരുമാനം ഉറപ്പാക്കാന്‍ കഴിയുന്നതാണ് ഈ പദ്ധതിയുടെ പ്രത്യേകത.

അഞ്ചുവര്‍ഷമാണ് കാലാവധി. 7.4 ശതമാനം പലിശയാണ് ലഭിക്കുക. ആയിരം രൂപ ഉണ്ടെങ്കില്‍ പദ്ധതിയില്‍ ചേരാം. സിംഗിള്‍ അക്കൗണ്ടില്‍ പരമാവധി 9 ലക്ഷം വരെ നിക്ഷേപിക്കാം. ജോയിന്റ് അക്കൗണ്ടില്‍ പ്രായപൂര്‍ത്തിയായ മൂന്ന് പേര്‍ക്ക് വരെ ചേരാം. പ്രായപൂര്‍ത്തിയാവാത്ത കുട്ടികള്‍ക്ക് വേണ്ടി രക്ഷിതാക്കള്‍ക്കും പദ്ധതിയില്‍ ചേരാവുന്നതാണ്. കുട്ടിക്ക് പത്തുവയസിന് മുകളില്‍ പ്രായം വേണം. പലിശ നികുതിവിധേയമാണ്.

നിക്ഷേപം നടത്തി ഒരു വര്‍ഷത്തിനു ശേഷം 2 ശതമാനം കിഴിവോടെയും മൂന്നു വര്‍ഷത്തിനു ശേഷം ഒരു ശതമാനം കിഴിവോടെയും നിക്ഷേപത്തുക പിന്‍വലിക്കാവുന്നതാണ്. പലിശ മാസം തോറും റെക്കറിങ് ഡെപ്പോസിറ്റില്‍ നിക്ഷേപിച്ചാല്‍ കാലാവധി ആകുമ്പോള്‍ നല്ല ഒരു തുക ലഭിക്കും.

നിക്ഷേപം

അഞ്ചുലക്ഷം- പ്രതിമാസം 3,083 രൂപ വരുമാനം

ഒന്‍പതുലക്ഷം- പ്രതിമാസം 5,550 രൂപ വരുമാനം

15 ലക്ഷം രൂപ- പ്രതിമാസം 9,250 രൂപ വരുമാനം

post office monthly income scheme
ലക്ഷ്യം പതിവായുള്ള വരുമാനമോ, ദീര്‍ഘകാല സമ്പത്തോ?; എസ്‌ഐപി vs എസ്ഡബ്ല്യൂപി, വിശദാംശങ്ങള്‍
post office monthly income scheme
ഒരു വര്‍ഷം പത്ത് ലക്ഷം രൂപയില്‍ കൂടുതല്‍ പല ബാങ്കുകളിലായി നിക്ഷേപിച്ചാല്‍ പ്രശ്‌നമുണ്ടോ?; വിശദമായി അറിയാം
Summary

post office monthly income scheme

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER