ന്യൂഡല്‍ഹി: പുതിയ പി സീരീസ് ഫോണുകളുമായി പ്രമുഖ സ്മാര്‍ട്ട്‌ഫോണ്‍ നിര്‍മാതാക്കളായ റിയൽമി. പി വണ്‍, പി വണ്‍ പ്രോ എന്നി രണ്ടു മോഡലുകളാണ് പി സീരീസ് ലേബലില്‍ കമ്പനി പുറത്തിറക്കുന്നത്. ഏപ്രില്‍ 15ന് പുതിയ ഫോണ്‍ വിപണിയില്‍ അവതരിപ്പിക്കുമെന്ന് കമ്പനി അറിയിച്ചു.
പവറിനെ പ്രതീകവത്കരിച്ചാണ് പി സീരീസ് എന്ന പേര് നല്‍കിയിരിക്കുന്നത്. മീഡിയാടെക് ഡൈമെന്‍സിറ്റി 7050 ചിപ്‌സെറ്റാണ് P1 5Gയ്ക്ക് കരുത്തുപകരുക. അതേസമയം പി വണ്‍ പ്രോയ്ക്ക് Qualcomm Snapdragon 6 Gen 1 ആണ് ശക്തിപകരുക. രണ്ട് ഫോണുകളും AMOLED 120Hz ഡിസ്‌പ്ലേയോടെയാണ് വരുന്നത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
പുതിയ പി സീരീസ് ഇന്ത്യയില്‍ മാത്രമാണ് ലഭ്യമാകുക. ഫ്‌ലിപ്കാര്‍ട്ട് വഴിയാണ് വില്‍ക്കുക. ഫോണ്‍ മിഡ് റേഞ്ച് വിപണിയെ ലക്ഷ്യം വച്ചുള്ളതാണ്. ഫൈവ് ജി നെറ്റ് വര്‍ക്കിനെ സപ്പോര്‍ട്ട് ചെയ്യുന്ന പി സീരീസ് ജിടി, ജിടി നിയോ സീരീസുകളുടെ പകരക്കാരനായാണ് എത്തുക. പരമ്പരാഗത ഡിസൈന്‍ മോഡില്‍ നിന്ന് പുറത്തുകടക്കാനുള്ള ശ്രമത്തിലാണ് റിയൽമി. നൂതനമായ ഡിസൈനുകളോട് കൂടിയായിരിക്കും പി സീരീസ് എത്തുക എന്നാണ് റിപ്പോര്‍ട്ടുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
