ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ റിയല്മിയുടെ പുതിയ സ്മാര്ട്ട്ഫോണ് റിയല്മി ജിടി 6ടി ബുധനാഴ്ച ഇന്ത്യന് വിപണിയില്. റിയല്മി ജിടി നിയോ 6ന്റെ റിബ്രാന്ഡ് വേര്ഷനായാണ് പുതിയ മോഡല് വിപണിയില് എത്തുന്നത്. ചൈനയിലാണ് റിയല്മി ജിടി നിയോ 6 ആദ്യമായി അവതരിപ്പിച്ചത്.
ലോഞ്ചിന് ശേഷം ഇ- കോമേഴ്സ് പ്ലാറ്റ്ഫോമായ ആമസോണിലും മറ്റു ഓണ്ലൈന് റീട്ടെയില് സ്റ്റോറുകളിലും ഫോണ് ലഭ്യമാകും. ഗോറില്ല ഗ്ലാസ് വിക്ടസ് 2 ആണ് സ്ക്രാച്ചുകളില് നിന്നടക്കം ഫോണിന് പരിരക്ഷ നല്കുക. ഫോണിന്റെ വില സംബന്ധിച്ച് കമ്പനി വ്യക്തത വരുത്തിയിട്ടില്ല. മിഡ് റേഞ്ച് സ്മാര്ട്ട്ഫോണ് ശ്രേണിയിലായിരിക്കും ഫോണ് അവതരിപ്പിക്കുക എന്നാണ് റിപ്പോര്ട്ടുകള്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
6.78 ഇഞ്ച് എല്ടിപിഒ amoled ഡിസ്പ്ലേ, 120hz റിഫ്രഷ് റേറ്റ്, 6000nits ബ്രൈറ്റ്നസ്, 5500 എംഎഎച്ച് ബാറ്ററി, 120w ഫാസ്റ്റ് ചാര്ജിങ് കപാസിറ്റി തുടങ്ങി നിരവധി സവിശേഷതകളോടെയാണ് ഫോണ് വിപണിയില് ഇറങ്ങുക. സ്നാപ്ഡ്രാഗണ് 7+ ജെന് ത്രീ ചിപ്പ്സെറ്റ് ആണ് ഇതിന് കരുത്തുപകരുക.
ഡ്യുവല് റിയര് ക്യാമറയാണ് ഇതില് ക്രമീകരിച്ചിരിക്കുന്നത്. പ്രധാനമായി 50 എംപി സെന്സര് ക്യാമറയും എട്ട് എംപി സെക്കന്ഡറി സെന്സറും 32 എംപി സെല്ഫി ക്യാമറയുമാണ് ഇതില് സജ്ജമാക്കിയിരിക്കുന്നത്. എട്ട് ജിബി റാമും 256 ജിബി വരെ സ്റ്റോറേജ് കപാസിറ്റിയുമാണ് മറ്റൊരു ഫീച്ചര്. ആന്ഡ്രോയിഡ് 14ല് പ്രവര്ത്തിക്കുന്ന ഫോണാണിത്. താപം പുറന്തള്ളുന്നതിന് ഡ്യുവല് vc 9 ലെയര് കൂളിംഗ് സിസ്റ്റവും ഒരുക്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
