ന്യൂഡല്‍ഹി: ഡോളറിനെതിരെ രൂപയുടെ നില വീണ്ടും മെച്ചപ്പെട്ടു. വിനിമയത്തില്‍ 12 പൈസയുടെ നേട്ടവുമായി 79 നിരക്കില്‍ താഴെ എത്തിയാണ് രൂപ നില മെച്ചപ്പെടുത്തിയത്. 78.94 നിരക്കിലാണ് നിലവില്‍ വ്യാപാരം തുടരുന്നത്.
ഡോളര്‍ ദുര്‍ബലമായതും ആഭ്യന്തര വിപണിയില്‍ വിദേശനിക്ഷേപത്തിന്റെ ഒഴുക്കുമാണ് രൂപയുടെ മൂല്യം ഉയരാന്‍ ഇടയാക്കിയത്. ദിവസങ്ങള്‍ക്ക് മുന്‍പ് രൂപയുടെ മൂല്യം 80ലേക്ക് ഇടിഞ്ഞിരുന്നു. തുടര്‍ന്ന് ആഗോളവിപണിയിലെ മാറ്റങ്ങളുടെ ചുവടുപിടിച്ച് രൂപ നില മെച്ചപ്പെടുത്തുന്നതാണ് പിന്നീട് കണ്ടത്. ദിവസങ്ങള്‍ക്കകം മൂല്യത്തില്‍ ഒരു രൂപയുടെ വര്‍ധനയാണ് ഉണ്ടായത്.
കഴിഞ്ഞദിവസം 79.06 എന്ന നിരക്കിലാണ് രൂപയുടെ വിനിമയം അവസാനിച്ചത്. ഇന്ന് രാവിലെ 78.96 എന്ന നിലയിലാണ് രൂപയുടെ വിനിമയം ആരംഭിച്ചത്. വ്യാപാരത്തിനിടെയാണ് 12 പൈസയുടെ മുന്നേറ്റം രേഖപ്പെടുത്തിയത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
