ന്യൂഡല്‍ഹി: തുടര്‍ച്ചയായ രണ്ടാം ദിവസവും ഓഹരി വിപണിയില്‍ മുന്നേറ്റം. ബിഎസ്ഇ സെന്‍സെക്‌സ് 600ലധികം പോയിന്റ് ഉയര്‍ന്നു. 23,150 എന്ന സൈക്കോളജിക്കല്‍ ലെവലിനും മുകളിലാണ് നിഫ്റ്റി.
ഓഹരികള്‍ കുറഞ്ഞ വിലയ്ക്ക് വാങ്ങാമെന്ന നിക്ഷേപകരുടെ പ്രതീക്ഷയാണ് ഓഹരി വിപണിയിലെ മുന്നേറ്റത്തിന് കാരണമെന്ന് വിദഗ്ധര്‍ അഭിപ്രായപ്പെട്ടു. കൂടാതെ ശനിയാഴ്ച അവതരിപ്പിക്കാനിരിക്കുന്ന ബജറ്റില്‍ സമ്പദ് വ്യവസ്ഥയ്ക്ക് കരുത്തുപകരുന്ന നിര്‍ദേശങ്ങള്‍ ഇടംപിടിക്കുമെന്ന പ്രതീക്ഷയും വിപണിയുടെ മുന്നേറ്റത്തിന് കാരണമായി. യുഎസ് ഫെഡറല്‍ റിസര്‍വിന്റെ പണവായ്പ നയം ഇന്ന് ആണ്. നയത്തില്‍ കാര്യമായ മാറ്റം വരുത്താന്‍ സാധ്യതയില്ലെന്ന സൂചനകളും വിപണിക്ക് അനുകൂലമായി.
ഓട്ടോ, ഐടി, ചെറുകിട, ഇടത്തരം ഓഹരികളാണ് മുന്നേറ്റം ഉണ്ടാക്കുന്നത്. അതേസമയം എഫ്എംസിജി സെക്ടര്‍ നഷ്ടം രേഖപ്പെടുത്തി. ബജാജ് ഓട്ടോ, ബെല്‍, ടാറ്റ മോട്ടോഴ്‌സ്, എസ്ബിഐ ലൈഫ് എന്നിവയാണ് പ്രധാനമായി നേട്ടം ഉണ്ടാക്കിയ കമ്പനികള്‍. ഐടിസി ഹോട്ടല്‍സ്, ഏഷ്യന്‍ പെയിന്റ്‌സ്, ഐടിസി, ടാറ്റ കണ്‍സ്യൂമേഴ്‌സ് ഓഹരികള്‍ നഷ്ടം നേരിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
