മുംബൈ: പശ്ചിമേഷ്യന് സംഘര്ഷവുമായി ബന്ധപ്പെട്ട് അമേരിക്കന് പ്രസിഡന്റ് ഡോണള്ഡ് ട്രംപിന്റെ വാക്കുകളില് കൂപ്പുകുത്തി ആഗോള വിപണി. ആഗോള വിപണിയുടെ ചുവടുപിടിച്ച് ബിഎസ്ഇ സെന്സെക്സ് 1700 പോയിന്റ് ഇടിഞ്ഞ് ആണ് ക്ലോസ് ചെയ്തത്. നിഫ്റ്റി രണ്ടു ശതമാനം ഇടിഞ്ഞ് 24,000ല് താഴെയെത്തി. എല്ലാ സെക്ടറുകളിലും നിക്ഷേപകരുടെ കൈ പൊള്ളി. നിക്ഷേപകരുടെ ഏകദേശം 10 ലക്ഷം കോടി രൂപയാണ് ഒലിച്ചുപോയത്.
അമേരിക്ക- ഇറാന് സംഘര്ഷം മൂര്ച്ഛിച്ചത് ആഗോള വിപണികളെ കാര്യമായി ബാധിച്ചിരുന്നു. ഇത് ഇന്ത്യന് വിപണിയിലും പ്രതിഫലിക്കുകയായിരുന്നു. ഇറാനുമായുള്ള വെടിനിര്ത്തല് അവസാനിച്ചതായുള്ള അമേരിക്കന് പ്രസിഡന്റ് ഡോണള്ഡ് ട്രംപിന്റെ വാക്കുകള് സമാധാനാന്തരീക്ഷത്തില് നിന്ന് വീണ്ടും യുദ്ധത്തിലേക്ക് നീങ്ങുമെന്ന സൂചനയാണ് എന്ന വിലയിരുത്തലാണ് പ്രധാനമായി ആഗോള വിപണികളെ ബാധിച്ചത്.
ഇതിന്റെ തുടര്ച്ചയായി ആഗോള വിപണിയില് എണ്ണവിലയും കുതിച്ചു. ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വിലയില് 5.66 ശതമാനത്തിന്റെ വര്ധനയാണ് രേഖപ്പെടുത്തിയത്. ബാരലിന് 78.35 ഡോളറായാണ് എണ്ണവില ഉയര്ന്നത്. ഇന്ത്യയുടെ എണ്ണ ഇറക്കുമതി ചെലവ് കൂടാന് ഇത് കാരണമാകുമെന്ന റിപ്പോര്ട്ടുകളും നിക്ഷേപകര് ആശങ്കയോടെയാണ് കാണുന്നത്.
ഡോളറിനെതിരെ രൂപയുടെ മൂല്യം താഴ്ന്നതാണ് വിപണി ഇടിയാനുള്ള മറ്റൊരു പ്രധാന കാരണം. 20 പൈസയുടെ നഷ്ടത്തോടെ 95.16ലേക്കാണ് രൂപ ഇടിഞ്ഞത്. എണ്ണ, പ്രകൃതി വാതക ഓഹരികള് 1.5 ശതമാനമാണ് താഴ്ന്നത്. ഓട്ടോ, എഫ്എംസിജി കമ്പനികള് യഥാക്രമം ഒരു ശതമാനവും 1.5 ശതമാനവുമാണ് ഇടിഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
