മുംബൈ: പശ്ചിമേഷ്യന് സംഘര്ത്തിന് അയവ് വരുമെന്ന പ്രതീക്ഷ ഓഹരി വിപണിയില് പ്രതിഫലിച്ചു. സെന്സെക്സ് 900 പോയിന്റ് ആണ് ഉയര്ന്നത്. നിഫ്റ്റി 24000 എന്ന സൈക്കോളജിക്കല് ലെവലിന് അരികില് എത്തി.
അമേരിക്ക- ഇറാന് സമാധാന കരാര് ഉടന് നിലവില് വരുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനത്തെ തുടര്ന്നാണ് പശ്ചിമേഷ്യന് സംഘര്ഷത്തിന് അയവ് വന്നത്. ഇതിന്റെ ഫലമായി എണ്ണവില ഗണ്യമായി കുറഞ്ഞു. ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 97 ഡോളറായാണ് താഴ്ന്നത്.5.48 ശതമാനത്തിന്റെ ഇടിവാണ് നേരിട്ടത്. എണ്ണവില കുറഞ്ഞതാണ് ഇന്ത്യന് ഓഹരി വിപണിയില് പ്രതിഫലിച്ചതെന്ന് വിപണി വിദഗ്ധര് പറഞ്ഞു.
അമേരിക്ക- ഇറാന് സംഘര്ഷത്തിന് അയവ് വന്നതിന് പിന്നാലെ അമേരിക്കന് വിപണിയും ഏഷ്യന് വിപണിയും നേട്ടം ഉണ്ടാക്കിയിരുന്നു. ഇതും ഇന്ത്യന് വിപണിയില് പ്രതിഫലിച്ചു. പ്രധാനമായി ഇന്റര്ഗ്ലോബ് ഏവിയേഷന്, ഐസിഐസിഐ ബാങ്ക്, എച്ച്ഡിഎഫ്സി ബാങ്ക് ഓഹരികളാണ് നേട്ടം സ്വന്തമാക്കിയത്. അതേസമയം ടിസിഎസ് വലിയ ഇടിവ് നേരിട്ടു.
അതിനിടെ ഡോളറിനെതിരെ രൂപയുടെ മൂല്യവും ഉയര്ന്നു. ഡോളറിനെതിരെ 35 പൈസയുടെ നേട്ടമാണ് രൂപ സ്വന്തമാക്കിയത്. 95.35ലേക്കാണ് രൂപ തിരിച്ചുകയറിയത്. കഴിഞ്ഞ ദിവസങ്ങളില് 96 കടന്ന് രൂപ കൂപ്പുകുത്തിയിരുന്നു. എണ്ണവില കുറഞ്ഞത് തന്നെയാണ് രൂപയ്ക്ക് കരുത്തായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
