ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ വിവോയുടെ എക്സ് 200 സീരീസിലെ പുതിയ മോഡല് ജൂലൈയില് വിപണിയില് അവതരിപ്പിച്ചേക്കും. എക്സ്200 എഫ്ഇ എന്ന പേരില് കോംപാക്ട് പ്രീമിയം ഫോണ് ഇറക്കാനാണ് കമ്പനിയുടെ പദ്ധതി.
120Hz റിഫ്രഷ് റേറ്റ് സ്ക്രീനുള്ള 6.31 ഇഞ്ച് OLED ഡിസ്പ്ലേയായിരിക്കും ഈ സ്മാര്ട്ട്ഫോണില് ഉണ്ടാകുക. ഇതുവരെ പ്രഖ്യാപിച്ചിട്ടില്ലാത്ത ഡൈമെന്സിറ്റി 9300+ അല്ലെങ്കില് ഡൈമെന്സിറ്റി 9400e ചിപ്സെറ്റ് ആയിരിക്കാം ഫോണിന് കരുത്തുപകരുക. ഒരു കോംപാക്റ്റ് മോഡല് ആയതിനാല് പുതിയ ഫോണിന് ഏകദേശം 200 ഗ്രാം ഭാരം പ്രതീക്ഷിക്കുന്നുണ്ട്. 90W ഫാസ്റ്റ് വയര്ഡ് ചാര്ജിങ്ങിന് പിന്തുണയുള്ള 6,500mAh ബാറ്ററിയോടെയായിരിക്കും ഫോണ് വിപണിയില് എത്തുക എന്നാണ് കരുതുന്നത്.
50MP മെയിന് സെന്സറും 3x ഒപ്റ്റിക്കല് സൂമോടുകൂടിയ 50MP സോണി IMX882 ടെലിഫോട്ടോ ലെന്സും 8MP അള്ട്രാവൈഡ് ആംഗിള് ലെന്സും ഫ്രണ്ട് കാമറ സെല്ഫികള്ക്കായി ഉപയോക്താക്കള്ക്ക് 50MP ഷൂട്ടറും കാമറ വിഭാഗത്തില് ഉള്പ്പെടുത്തിയേക്കാം.വെര്ച്വല് മെമ്മറി സവിശേഷതയും 512 ജിബി വരെ സ്റ്റോറേജും ഉപയോഗിച്ച് 16 ജിബി വരെ വികസിപ്പിക്കാന് കഴിയുന്ന 12 ജിബി റാം ഫോണ് വാഗ്ദാനം ചെയ്തേക്കും. മറ്റ് X200 മോഡലുകളെപ്പോലെ ഇതിന് IP68, IP69 റേറ്റിങ്ങിനുള്ള സാധ്യതയുണ്ട്. വില ഏകദേശം 50,000 രൂപ മുതലായിരിക്കുമെന്നാണ് പ്രതീക്ഷ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
