മുംബൈ: ഇന്ന് മുതല് മുംബൈയില് ചെന്നാല് ഓണ്ലലൈനായി ബുക്ക് ചെയ്ത് ബോട്ട് പിടിക്കാം. യൂബര് ടാക്സിക്കും ഈറ്റ്സിനും പിന്നാലെ യൂബര് ബോട്ട് സര്വ്വീസുകള് തുടങ്ങിവെച്ചിരിക്കുകയാണ് കമ്പനി. ഇന്ന് രാവിലെ മുംബൈ ഗേറ്റ് വേ ഓഫ് ഇന്ത്യയില് നിന്നും എലഫന്റ് ദ്വീപിലേക്കും അലിബാഗിലേക്കുമാണ് സ്പീഡ്ബോട്ട് സര്വ്വീസുകള് ആരംഭിച്ചത്.
രാവിലെ 8 മുതല് 5 വരെയാണ് സര്വ്വീസ്. എട്ട് സീറ്റുകളുള്ള ചെറു ബോട്ടിന് 5,700 രൂപയും 10 സീറ്റുകളുള്ള ബോട്ടിന് 9,500 രൂപയുമാകും താല്കാലിക നിരക്ക്. വെറും 20 മിനുറ്റ് സമയം കൊണ്ട് ലക്ഷ്യസ്ഥാനത്ത് എത്തുകയും ചെയ്യാം. ഈ ബോട്ട് സര്വ്വീസുകള് ലാഭകരമാണെന്ന് കണ്ടാല് കൂടുതല് സര്വീസുകള് ആരംഭിക്കാനാണ് പദ്ധതി.
ഫെബ്രുവരി ഒന്നിന് ആരംഭിക്കാനിരുന്ന യൂബര് ബോട്ട് സര്വ്വീസ് ചില സാങ്കേതിക പ്രശ്നങ്ങള് കാരണം മാറ്റി വെക്കുകയായിരുന്നെന്ന് ഊബര് ഉദ്യോഗസ്ഥര് അറിയിച്ചു.
സാധാരണക്കാര്ക്ക് താങ്ങാവുന്ന നിരക്കില് ടാക്സി സര്വീസുകള് ആരംഭിച്ചുകൊണ്ടാണ് യൂബര് രംഗത്തെത്തിയത്. കേരളത്തില് കൊച്ചിയിലും തിരുവനന്തപുരത്തും യൂബര് സര്വീസ് നടത്തുന്നുണ്ട്. ടാക്സി സര്വീസിന് ശേഷം യൂബര് ഈറ്റ്സും അതേ വഴിയില് ആളുകളെ കയ്യിലെടുക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
