തനിയെ ചലിക്കുന്ന ചെരുപ്പും മേശയും കുഷ്യനും: ഇത് ജാലവിദ്യയല്ല, ജാപ്പനീസ് ഹോട്ടലിലെ സൗകര്യങ്ങളാണ്

ആദ്യമായി പ്രോപൈലറ്റ് ഹോട്ടലില്‍ വരുന്നവര്‍ തനിയെ നിങ്ങുന്ന ചെരുപ്പും മേശയുമെല്ലാം കണ്ട് അന്താളിച്ച് നില്‍ക്കുമെന്നുറപ്പ്.
തനിയെ ചലിക്കുന്ന ചെരുപ്പും മേശയും കുഷ്യനും: ഇത് ജാലവിദ്യയല്ല, ജാപ്പനീസ് ഹോട്ടലിലെ സൗകര്യങ്ങളാണ്
Updated on: 
1 min read

അഴിച്ച് വെച്ച ചെരുപ്പ് തനിയെ പോയി യഥാസ്ഥലത്ത് ഇരുന്നാല്‍ എങ്ങനെയുണ്ടാകും? ഭക്ഷണം കഴിക്കാന്‍ വരുമ്പോള്‍ മേശയും ഇരിക്കുന്ന കുഷ്യനുമെല്ലാം ഓട്ടോമറ്റിക്കലി ക്രമീകരിക്കപ്പെട്ടാലോ?.. ഞെട്ടുമെന്നുറപ്പ്.. ഇത് കെട്ടുകഥയല്ല.. പ്രോപൈലറ്റ് എന്ന ഒരു ഇടത്തരം ജാപ്പനീസ് ഹോട്ടലിലെ അത്യധുനിക സൗകര്യങ്ങളാണ്..

ആദ്യമായി പ്രോപൈലറ്റ് ഹോട്ടലില്‍ വരുന്നവര്‍ തനിയെ നിങ്ങുന്ന ചെരുപ്പും മേശയുമെല്ലാം കണ്ട് അന്താളിച്ച് നില്‍ക്കുമെന്നുറപ്പ്. ടോക്കിയോയ്ക്ക് സമീപമുള്ള ഈ ഹോട്ടലില്‍ നിസാന്‍ കമ്പനിയാണ് അപൂര്‍വ്വമായ സൗകര്യങ്ങള്‍ ഏര്‍പ്പെടുത്തിയിരിക്കുന്നത്.

ഹോട്ടലിന്റെ കവാടത്തിലുള്ള ചെരുപ്പുകള്‍ യഥാസ്ഥാനത്ത് ചെന്നിരിക്കുന്നതിന് ഒരു പ്രത്യേക രീതിയുണ്ട്, അത് സൂക്ഷിച്ചു നോക്കിയാല്‍ മനസിലാകും. രണ്ട് ചെറിയ ചക്രങ്ങള്‍ അടിയില്‍ പിടിപ്പിച്ച ചെരുപ്പ് ഒരു കാര്‍ എങ്ങനെ പാര്‍ക്ക് ചെയ്യുന്നുവോ, അതുപോലെയാണ് ചെരുപ്പും ചെന്നിരിക്കുന്നത്. സത്യത്തില്‍ നിസാന്‍ ഓട്ടോണമസ് സെല്‍ഫ് ഡ്രൈവിങ് ടെക്‌നോളജിക്ക് ഒരു പ്രചരണം എന്ന രീതിയിലാണ് പ്രോപൈലറ്റ് ഹോട്ടലിലെ ചലിക്കുന്ന ചെരുപ്പുകള്‍ക്ക് പ്രചോദനമായത്.

നിസാന്‍ ഓട്ടോണമസ് സെല്‍ഫ് ഡ്രൈവിങ് എന്നാല്‍ ഒരു സ്വിച്ചിന്റെ സഹായത്തോടെ ആവശ്യമുള്ള സ്ഥലത്ത് വാഹനം പാര്‍ക്ക് ചെയ്യാനാവും എന്നതാണ്. പ്രോപൈലറ്റ് ഹോട്ടല്‍ പുറത്തുവിട്ട വീഡിയോയില്‍ കാര്‍ പാര്‍ക്ക് ചെയ്യുന്നതെങ്ങനെയാണെന്നും കാണിച്ചിട്ടുണ്ട്. 'ഓട്ടോമാറ്റഡ് ഡ്രൈവിങ് ടെക്‌നോളജിയുടെ പ്രാവീണ്യവും നോണ്‍- ഡ്രൈവിങ് ആപ്ലിക്കേഷന്‍സിനെക്കുറിച്ചും മനസിലാക്കാന്‍ വേണ്ടിയുള്ള ഉപാധിയാണ് സെല്‍ഫ് ഡ്രൈവിങ് സ്ലിപേഴ്‌സ്'- നിസാന്റെ വക്താവ് പറഞ്ഞു.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER