കൊച്ചി: ഇന്ത്യയിലെ പ്രമുഖ ജ്വല്ലറി ബ്രാന്‍ഡ് കല്യാണ്‍ ജ്വല്ലേഴ്‌സ് ഇന്ത്യയിലും വിദേശത്തുമായി ജ്വല്ലറി ശൃംഖല വര്‍ധിപ്പിക്കാനൊരുങ്ങുന്നു. ഇതിന്റെ രണ്ടാം ഘട്ടമെന്ന നിലയില്‍ സ്വകാര്യ ഇക്വിറ്റി സ്ഥാപനമായ വാര്‍ബര്‍ഗ് പിങ്ക്‌സ് 500 കോടി രൂപ കല്യാണ്‍ ജ്വല്ലേഴ്‌സില്‍ നിക്ഷേപച്ചു. 2014ല്‍ വാര്‍ബര്‍ഗിന്റെ സഹസ്ഥാപനം കല്യാണ്‍ ജ്വല്ലേഴ്‌സില്‍ 1200 കോടി രൂപ നിക്ഷേപിച്ചിരുന്നു. ആഭരണ നിര്‍മാണ മേഖലയില്‍ ഇന്ത്യയിലെ ഏറ്റവും വലിയ നിക്ഷേപമായിരുന്നു ഇത്. ഇതോടെ കല്യാണ്‍ ജ്വല്ലേഴ്‌സിലുള്ള വാര്‍ബര്‍ഗ് പിങ്ക്‌സിന്റെ മൊത്തം നിക്ഷേപം 1700 കോടി രൂപയായി ഉയര്‍ന്നു.
അധിക നിക്ഷേപങ്ങളും വായ്പകളും നീക്കിയിരുപ്പും ഉപയോഗപ്പെടുത്തി 200ല്‍ അധികം ഷോറൂമുകള്‍ ആരംഭിക്കാനാണ് ഗ്രൂപ്പ് ലക്ഷ്യമിടുന്നത്. ഇതോടൊപ്പം തന്നെ ഇ-കൊമേഴ്‌സ് മേഖലയിലേക്ക് തിരിയാനും കല്യാണ്‍ ആലോചിക്കുന്നു.
അടുത്ത മൂന്ന് വര്‍ഷത്തിനുള്ളില്‍ ഉത്തര്‍ പ്രദേശ്, മധ്യപ്രദേശ് എന്നിവിടങ്ങളില്‍ സാന്നിധ്യം ഉറപ്പിക്കുകയും മുംബൈ, ഡല്‍ഹി എന്നീ മെട്രോ നഗരങ്ങള്‍ക്കു പുറമെ ദക്ഷിണേന്ത്യയില്‍ പുതിയ ഷോറൂമുകളും ആരംഭിക്കുന്നതിനുമാണ് കല്യാണ്‍ ജ്വല്ലേഴ്‌സ് ലക്ഷ്യമിടുന്നത്.
അതേസമയം, സൗദി അറേബ്യ, ബഹറൈന്‍, ഒമാന്‍, സിംഗപ്പൂര്‍, മലേഷ്യ എന്നിവിടങ്ങളിലും കാല്‍വെപ്പ് നടത്താനുള്ള തയാറെടുപ്പിലാണ് കല്യാണ്‍ ജ്വല്ലേഴ്‌സ്.
കല്യാണിന്റെ മികച്ച വളര്‍ച്ചയുടെ തെളിവാണ് വാര്‍ബര്‍ഗ് പിങ്കസിന്റെ നിക്ഷേപമെന്ന് കല്യാണ്‍ ജ്വല്ലേഴ്‌സ് ചെയര്‍മാനും മാനേജിംഗ് ഡയറക്ടറുമായ ടി എസ് കല്യാണ രാമന്‍ പറഞ്ഞു. പുതിയ ജിഎസ്ടി നികുതി ഘടന പ്രവര്‍ത്തന ക്ഷമത വര്‍ധിപ്പിക്കുന്നതിന് സഹാകരമാകുമെന്നും അദ്ദേഹം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
