ന്യൂഡെല്‍ഹി: റിസര്‍വ് ബാങ്ക് ഓഫ് ഇന്ത്യ 200 രൂപ നോട്ടുകള്‍ പുറത്തിറക്കുമെന്ന് ധനമന്ത്രാലയം. ചില്ലറ ക്ഷാമം പരിഹരിക്കാനുള്ള ആര്‍ബിഐ നീക്കത്തിനു ധനമന്ത്രാലയം പച്ചക്കൊടി കാണിച്ചുവെന്ന് റിപ്പോര്‍ട്ട്. ആര്‍ബിഐ സെന്‍ട്രല്‍ ബോര്‍ഡ് ഡയറക്ടര്‍മാര്‍ നല്‍കിയ ശുപാര്‍ശകളുടെ അടിസ്ഥാനത്തില്‍ 200 രൂപ നോട്ടുകള്‍ പുറത്തിറക്കുമെന്ന് ധനമന്ത്രാലയം വിജ്ഞാപനമിറക്കി.
പുതിയ നോട്ടുകള്‍ ഉടന്‍ പ്രാബല്യത്തില്‍ വരും. നിലവില്‍ തുടരുന്ന ചില്ലറക്ഷാമത്തിനു പരിഹാരം കാണാന്‍ പുതിയ നോട്ടകള്‍ പ്രാബല്യത്തില്‍ വരുന്നതോടെ സാധിക്കുമെന്നാണ് വിലയിരുത്തലുകള്‍. കഴിഞ്ഞ വര്‍ഷം നോട്ടുകള്‍ അസാധുവാക്കിയതിനു ശേഷം പുതിയ 500, 2,000 നോട്ടുകള്‍ മാത്രമാണ് ആര്‍ബിഐ പുറത്തിറക്കിയിട്ടുള്ളത്.
പുതിയ 50 രൂപ നോട്ടുകള്‍ ഉടനെത്തുമെന്ന പ്രഖ്യാപനത്തിനു ശേഷമാണ് 200 രൂപ നോട്ടുകള്‍ എത്തുമെന്നും ഉറപ്പായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
