കൊച്ചി: സ്വർണ വിലയിൽ ഇന്ന് വർധന. പവന് 120 രൂപയാണ് ഇന്ന് വർധിച്ചത്. ഇതോടെ ഒരു പവൻ സ്വർണത്തിന് 35,960 രൂപയായി. ഗ്രാമിന് 15 രൂപയാണ് കൂടിയത്. 4,495 രൂപയാണ് ഒരു ഗ്രാമിന് വില.
റെക്കോർഡുകൾ ഭേദിച്ച് മുന്നേറിയ സ്വർണത്തിന് കഴിഞ്ഞ ദിവസം ഇടിവ് വന്നിരുന്നു. സ്വർണം സർവകാല റെക്കോർഡിലെത്തിയ ശേഷമായിരുന്നു ഇടിവ് സംഭവിച്ചത്. പവന് 360 രൂപ വർധിച്ചതോടെ 36000 എന്ന പുതിയ ഉയരമാണ് കഴിഞ്ഞ ദിവസം കുറിച്ചത്. ഒരു പവൻ സ്വർണത്തിന് 36160 രൂപ എന്ന നിലയിൽ നിന്നാണ് പിന്നീട് വില താഴ്ന്നത്.
കഴിഞ്ഞ മൂന്നാഴ്ചക്കിടെ 2000 രൂപയിലധികം രൂപയോളമാണ് സ്വർണത്തിന് വില ഉയർന്നത്. ആഗോളതലത്തിൽ സ്വർണത്തിന്റെ ആവശ്യകത വർധിച്ചാണ് സ്വർണവിലയിൽ പ്രതിഫലിക്കുന്നത്. കോവിഡ് വ്യാപനത്തെ തുടർന്ന് ആഗോള സമ്പദ് വ്യവസ്ഥ പ്രതിസന്ധി നേരിടുന്ന പശ്ചാത്തലത്തിൽ സുരക്ഷിത നിക്ഷേപം എന്ന നിലയിലാണ് സ്വർണത്തിലേക്ക് കൂടുതൽ പേർ എത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
