അനിംസിൽ ഫാക്കൽറ്റി തസ്തികയിൽ 34 ഒഴിവുകൾ, ഡോക്ടർമാർക്ക് അവസരം; ഫെബ്രുവരി 28 വരെ അപേക്ഷിക്കാം

ആൻഡമാൻ ആൻഡ് നിക്കോബാർ ഐലൻഡ്‌സ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (ANIIMS) 13ഫാക്കൽറ്റികളിലായി 34 ഒഴിവുകൾ നികത്തുന്നതിന് ഔദ്യോഗിക വിജ്ഞാപനം പ്രസിദ്ധീകരിച്ചു.

പ്രൊഫസർ, അസോസിയേറ്റ് പ്രൊഫസർ, അസിസ്റ്റന്റ് പ്രൊഫസർ എന്നീ തസ്തികകളിലാണ് ഒഴിവുകളുള്ളത്.

അനാട്ടമി / ബയോകെമിസ്ട്രി / ഫാർമക്കോളജി / കമ്മ്യൂണിറ്റി മെഡിസിൻ / ജനറൽ മെഡിസിൻ / സൈക്യാട്രി / ഡെർമറ്റോളജി / ജനറൽ സർജറി / ഓർത്തോപീഡിക്സ് / അനസ്തേഷ്യോളജി / റേഡിയോ-ഡയഗ്നോസിസ് / പീഡിയാട്രിക്സ് / ഒഫ്താൽമോളജി എന്നീ വിഭാഗങ്ങളിലേക്കാണ് അപേക്ഷ ക്ഷണിച്ചിട്ടുള്ളത്.

താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾക്ക് ANIIMS-ന്റെ ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷിക്കാം.

ഓൺലൈൻ അപേക്ഷ സമർപ്പിക്കാനുള്ള അവസാന തീയതി ഫെബ്രുവരി 28 ആണ്. ഓൺലൈൻ അപേക്ഷയുടെ ഹാർഡ് കോപ്പി മാർച്ച് ഏഴിനകം ലഭിച്ചിരിക്കണം. ഡെപ്യൂട്ടേഷനിൽ താൽപ്പര്യമുള്ളവർക്കും അപേക്ഷിക്കാം.

തസ്തിക, ഒഴിവുകൾ, ശമ്പളം

തസ്തികയുടെ പേര് : പ്രൊഫസർ / അസോസിയേറ്റ് പ്രൊഫസർ / അസിസ്റ്റന്റ് പ്രൊഫസർ

ആകെ ഒഴിവുകളുടെ എണ്ണം: 34 തസ്തികകൾ

പ്രൊഫസർ ഒഴിവുകൾ: നാല്

അസോസിയേറ്റ് പ്രൊഫസർ ഒഴിവുകൾ :15

അസിസ്റ്റന്റ് പ്രൊഫസർ:15 ഒഴിവുകൾ

യോഗ്യത : എംബിബിഎസ്സും ബന്ധപ്പെട്ട വിഷയത്തിൽ എംഡി/എംഎസ്/ഡിഎൻബി (എൻഎംസി ചട്ടങ്ങൾ 2025 പ്രകാരം)യും

ഉയർന്ന പ്രായപരിധി: വ്യക്തമാക്കിയിട്ടില്ല. (വിരമിച്ച ഉദ്യോഗാർത്ഥികൾക്ക് യോഗ്യതയുണ്ട്)

നിയമന കാലയളവ്: അഞ്ച് വർഷം (രണ്ട് വർഷത്തേക്ക് കൂടി നീട്ടി നൽകാം)

ശമ്പളം

അസിസ്റ്റന്റ് പ്രൊഫസർ:പ്രതിമാസം 2,05,000 രൂപയും അലവൻസുകളും

അസോസിയേറ്റ് പ്രൊഫസർ:പ്രതിമാസം 2,50,000 രൂപയും അലവൻസുകളും

പ്രൊഫസർ:പ്രതിമാസം 2,75,000 രൂപയും അലവൻസുകളും

സോഫ്റ്റ് കോപ്പി (ഓൺലൈൻ) അപേക്ഷ സമർപ്പിക്കാനുള്ള അവസാന തീയതി : ഫെബ്രുവരി 28

ഹാർഡ് കോപ്പി ലഭിക്കാനുള്ള അവസാന തീയതി : മാർച്ച് ഏഴ്

വിശദമായ വിജ്ഞാപനം ഇവിടെ കാണാം

ഔദ്യോഗിക വെബ്സൈറ്റ്