എഞ്ചിനീയറിങ് പഠിച്ച വനിതകളാണോ? ഇന്ത്യൻ ആർമിയിൽ ഓഫീസറാകാൻ ഇതാ അവസരം

വനിതകൾക്ക് ഇന്ത്യൻ സൈന്യത്തിൽ ചേരാനുള്ള മികച്ച അവസരം. അവിവാഹിതയായ എഞ്ചിനീയറിങ് ബിരുദധാരികൾക്ക് കമ്മീഷൻഡ് ഓഫീസറായി പ്രവേശനം നേടാം.ഇന്ത്യൻ ആർമി 2027 ഏപ്രിലിൽ ആരംഭിക്കുന്ന 68-ാമത് ഷോർട്ട് സർവീസ് കമ്മീഷൻ (ടെക്നിക്കൽ) വനിതാ കോഴ്‌സിലേക്കുള്ള (SSCW Tech-68) ഔദ്യോഗിക വിജ്ഞാപനം പുറത്തിറക്കി.

പ്രതിരോധ സേനാംഗങ്ങളുടെ വിധവകൾക്കും ടെക്നിക്കൽ, നോൺ-ടെക്നിക്കൽ (Non-UPSC) വിഭാഗങ്ങളിൽ അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി ഓഗസ്റ്റ് 6.

ഒഴിവുകളുടെ വിശദാംശങ്ങൾ

• സിവിൽ / ആർക്കിടെക്ചർ – 7

• കംപ്യുട്ടർ സയൻസ് / ഐ.ടി – 4

• ഇലക്ട്രിക്കൽ – 3

• ഇലക്ട്രോണിക്സ് – 6

• മെക്കാനിക്കൽ / പ്രൊഡക്ഷൻ / എയറോനോട്ടിക്കൽ – 9

• പ്രതിരോധ സേനാംഗങ്ങളുടെ വിധവകൾ (ടെക് & നോൺ-ടെക്) – 2

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

ആർക്കെല്ലാം അപേക്ഷിക്കാം?

• ഇന്ത്യൻ പൗരത്വമുള്ളവർക്കും വിജ്ഞാപനത്തിൽ വ്യക്തമാക്കിയ മറ്റ് അർഹർക്കും അപേക്ഷിക്കാം.

• വിവാഹിതയല്ലാത്ത വനിതാ എഞ്ചിനീയറിങ് ബിരുദധാരികൾ അല്ലെങ്കിൽ 2027 ഏപ്രിൽ 1-നകം ഫലം ലഭിക്കുന്ന ഫൈനൽ ഇയർ വിദ്യാർത്ഥിനികൾ അപേക്ഷിക്കാൻ അർഹരാണ്.

• പ്രതിരോധ സേനാംഗങ്ങളുടെ വിധവകൾക്ക് ടെക്നിക്കൽ വിഭാഗത്തിൽ ബി.ഇ/ബി.ടെക് യോഗ്യതയും, നോൺ-ടെക്നിക്കൽ വിഭാഗത്തിൽ ഏതെങ്കിലും വിഷയത്തിൽ ബിരുദവും മതിയാകും. ഇവർക്കുള്ള പരമാവധി പ്രായപരിധി 35 വയസ്സ് ആണ്.

ശാരീരിക യോഗ്യത

അപേക്ഷകർ താഴെപ്പറയുന്ന അടിസ്ഥാന ശാരീരിക മാനദണ്ഡങ്ങൾ പാലിക്കണം.

• 2.4 കിലോമീറ്റർ ഓട്ടം: 13 മിനിറ്റിനുള്ളിൽ

• പുഷ്-അപ്പ്: 15

• പുൾ-അപ്പ്: 2

• സിറ്റ്-അപ്പ്: 25

• നീന്തൽ അറിഞ്ഞിരിക്കണം

തെരഞ്ഞെടുപ്പ് നടപടിക്രമം

1. ഓൺലൈൻ അപേക്ഷ സമർപ്പിക്കൽ

2. അക്കാദമിക് യോഗ്യതയുടെ അടിസ്ഥാനത്തിലുള്ള ഷോർട്ട്‌ലിസ്റ്റിംഗ്

3. 5 ദിവസത്തെ SSB (Services Selection Board) അഭിമുഖം

4. മെഡിക്കൽ പരിശോധന

5. മെറിറ്റ് ലിസ്റ്റ് പ്രസിദ്ധീകരണം

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.joinindianarmy.nic.in/.pdf