IISER: ഡാറ്റ സയൻസിൽ ഗവേഷണം നടത്താൻ അവസരം

ഇന്ത്യയിലെ മുൻനിര ഗവേഷണ സ്ഥാപനങ്ങളിലൊന്നായ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ച് (IISER) പുണെ, ഡാറ്റ സയൻസ് മേഖലയിൽ പി എച്ച് ഡി പ്രവേശനത്തിന് അപേക്ഷ ക്ഷണിച്ചു.

ഡാറ്റ സയൻസ്, എ ഐ, കമ്പ്യൂട്ടേഷണൽ മോഡലിംഗ് എന്നിവയുടെ വളർച്ച ആഗോള തലത്തിൽ അതിവേഗം മുന്നേറുന്ന സാഹചര്യത്തിൽ ഈ പ്രോഗ്രാം ഗവേഷണരംഗത്ത് ശക്തമായ കരിയറിനും പുതിയ ശാസ്ത്രീയ കണ്ടെത്തലുകൾക്കും സഹായകരമാകും.

ഗവേഷണ മേഖലകൾ

1. ഹെൽത്ത്‌കെയറിൽ AI/ML (ആർട്ടിഫിഷ്യൽ ഇന്റലിജൻസ് / മെഷീൻ ലേർണിംഗ് ഇൻ ഹെൽത്ത് കെയർ.

2. ക്ലൈമറ്റ് മോഡലിംഗ് (Climate Modelling)

3. കമ്പ്യൂട്ടേഷണൽ & അപ്ലൈഡ് മാത്തമാറ്റിക്സ് (Computational and Applied Mathematics)

4. കമ്പ്യൂട്ടേഷണൽ ബയോളജി & ബയോഇൻഫോർമാറ്റിക്സ് (Computational Biology & Bioinformatics)

5. കമ്പ്യൂട്ടേഷണൽ കെമിസ്ട്രി (Computational Chemistry)

6. കമ്പ്യൂട്ടേഷണൽ ഫിനാൻസ് (Computational Finance)

7. ഡൈനാമിക്കൽ സിസ്റ്റംസ് (Dynamical Systems)

8. മെഷീൻ ലേണിംഗിലെ സ്റ്റാറ്റിസ്റ്റിക്കൽ രീതി (Statistical Methods in Machine Learning)

യോഗ്യതകൾ

• മാസ്റ്റർ ഡിഗ്രി (M.Sc) അല്ലെങ്കിൽ ബിഇ/ബിടെക് എഞ്ചിനീയറിങ് ബിരുദം നിർബന്ധമാണ്. ഗണിതശാസ്ത്രം, സ്റ്റാറ്റിസ്റ്റിക്സ്, ഡാറ്റ സയൻസ്, കമ്പ്യൂട്ടർ സയൻസ്, ഫിസിക്സ്, കെമിസ്ട്രി, ബയോളജി, ബയോഇൻഫോർമാറ്റിക്സ്, എൻവയോൺമെന്റൽ സയൻസ് തുടങ്ങിയ ബന്ധപ്പെട്ട വിഷയങ്ങളിലെ ബിരുദധാരികൾക്ക് അപേക്ഷിക്കാം.

• ബിരുദാനന്തര പഠനത്തിൽ കുറഞ്ഞത് 60 ശതമാനം മാർക്ക് അല്ലെങ്കിൽ സമാനമായ CGPA ഉണ്ടായിരിക്കണം.

• ഇതോടൊപ്പം, GATE, CSIR-JRF, UGC-JRF, DBT-BET, ICMR-JRF, INSPIRE Fellowship, NBHM തുടങ്ങിയ ദേശീയ തല യോഗ്യതകളിൽ ഏതെങ്കിലും ഒന്നിൽ സാധുവായ സ്കോർ നേടിയിരിക്കണം.

• അവസാന വർഷ മാസ്റ്റർ സ്റ്റുഡന്റുകൾക്കും അപേക്ഷിക്കാം, പക്ഷേ പ്രവേശന സമയത്ത് ബിരുദ സർട്ടിഫിക്കറ്റ് ഹാജരാക്കണം.

അപേക്ഷകൾ സമർപ്പിക്കേണ്ട അവസാന തീയതി നവംബർ 28. കൂടുതൽ വിവരങ്ങൾക്ക് https://www.iiserpune.ac.in/ സന്ദർശിക്കുക