ബി.ടെക് ഡയറി,ഫുഡ് ടെക്നോളജി; സ്പോട്ട് അഡ്മിഷൻ 27ന്

തൃശൂർ: കേരള വെറ്ററിനറി ആൻഡ് അനിമൽ സയൻസസ് സർവകലാശാല (KVASU) ബി.ടെക് ഡയറി/ഫുഡ് ടെക്നോളജി കോഴ്സുകളിലെ ഒഴിവുകളിലേക്ക് സ്പോട്ട് അഡ്മിഷൻ നടത്തുന്നു. ഇതിനായുള്ള വിജ്ഞാപനം പുറത്തിറങ്ങി. ഇടുക്കി, വയനാട്,തിരുവനന്തപുരം ഡെയറി സയൻസ് കോളേജുകളിലും വി കെ ഐ ഡി എഫ് ടി മണ്ണുത്തിയിലുമാണ് ഒഴിവുകൾ ഉള്ളത്.

ഏറ്റവും കൂടുതൽ ഒഴിവുകൾ തിരുവനന്തപുരം, മണ്ണുത്തി കേന്ദ്രങ്ങളിലാണ്. സ്പോട്ട് അഡ്മിഷൻ നവംബർ 27 ന് രാവിലെ 10.30ന് സർവകലാശാല പ്രധാന ക്യാമ്പസിൽ (മണ്ണുത്തി) നടത്തും. കെ.ഇ.എ.എം 2025-ൽ അപേക്ഷിച്ച വിദ്യാർത്ഥികൾക്ക് പങ്കെടുക്കാം. അഡ്മിഷനുമായി ബന്ധപ്പെട്ടു വരുന്നവർ ഒറിജിനൽ സർട്ടിഫിക്കറ്റുകളും പകർപ്പുകളും നിർബന്ധമായും കൊണ്ടുവരണം.

നിലവിൽ മറ്റ് കോഴ്സുകളിൽ പഠിക്കുന്നവർ നോ ഒബ്ജക്ഷൻ സർട്ടിഫിക്കറ്റ് (NOC) കൊണ്ടുവരണം. മുൻപ് അലോട്ട്മെന്റ് ലഭിച്ചിട്ടുണ്ടെങ്കിൽ അലോട്ട്മെന്റ് ലെറ്ററും ഹാജരാക്കണം. അഡ്മിഷൻ മെറിറ്റ് ലിസ്റ്റ്, വിഭാഗം, ഒഴിവുകൾ എന്നിവയെ അടിസ്ഥാനമാക്കി നടപ്പിലാക്കും. നേരിട്ട് ഹാജരാകുന്ന അപേക്ഷകരെ മാത്രമേ പരിഗണികുകയുള്ളു. കൂടുതൽ വിവരങ്ങൾക്ക് https://www.kvasu.ac.in/ സന്ദർശിക്കുക.